Рустам Ашурматов: “Ўзбекистонлик футболчиларнинг хорижга йўл олишида реклама ва агентлар муҳим роль ўйнайди”

Табиийки, ушбу турнирларда ўзини кўрсатган ёш иқтидорларга чет эллик скаутлар томонидан эътибор ошади. Лекин, нима учундир клубларимиз ўз футболчиларини ёшлигидан хориж жамоаларига қўйиб юборишни исташмайди. Бунга Корея К Лигасида ўйнаётган ҳимоячимиз Рустам Ашурматов ҳам “Тезкор Студия” лойиҳасида ўз муносабатини билдирди.

“Битта нарсани аниқ айтишим мумкин, Поль Погба, ёки Умтитиларнинг энг катта фойдаси Европа футболида тарбиялангани бўлди. Уларда жамоадан жамоага ўтиш жараёни, трансферлар осонроқ кечади. Баъзи бир европаликлардан сўрасангиз Ўзбекистонни билмаслиги мумкин. Шунингдек, реклама, агентлик, клубларнинг футболчиларга катта сумма қўйиб қўйиши катта роль ўйнайди. Масалан, биз терма жамоага бориб ўйинимиз пасайиб қолади демаган бўлардим. Мисол учун бизга қарши ўйнайдиган футболчилар кучли жамоаларда, топ чемпионатларда ўйнашгани учун бизникилар билан таққослашади. Агарда кучли клублар ўзбек футболини ва чемпионатини яхши билганида жуда кўп футболчиларимиз Европага кетган бўларди”,- дейди Ашурматов.

Ўтган давр мобайнида кўплаб футболчиларимизга хусусан Акром Комиловга “Ред Булл Зальцбург”, Отабек Шукуровга “Хоффенхайм” , Забиҳилло Ўринбоевга Португалия юқори лигаси клублари томонидан чорловлар бўлган эди. Бироқ, трансферлар турли сабабларга кўра амалга ошмаганди.

Қуйида "Тезкор студия"ни томоша қилиш мумкин: