Рустам Абдуҳамидов: "Ғалаба Каннаварога боғлиқ бўлса, 23 октябрь куни ҳам уни ўйинга таклиф қиламан"

Ҳаким Фузайлов бошчилигидаги "Хоразм" жамоаси кеча чемпионатнинг 25-турида меҳмонда "Машъал"ни йирик ҳисобда енгди (3:0). Ўйиндан сўнг "Хоразм" ярим ҳимоячиси Рустам Абдуҳамидов фикрлари билан ўртоқлашди. 

"Бу ўйинда қандай бўлмасин ғалаба жуда зарур эди. Ҳисоб 1:0 ёки 3:0 фарқи йўқ. 8 ўйиндан иборат ғалабасиз серия бизга катта босим юклаётганди. Муҳими голларни ўз вақтида уриб олдик. Худога шукурки, якунда йирик ҳисобда ғалаба қозондик.

Мазкур ғалаба жамоамизга ишончни қайтарди. Олдинда бунданда қийин ўйинлар кутмоқда. Ушбу баҳсни эсдан чиқарган ҳолда тайёргарликни бошлашимиз керак. Биз учун ҳар бир ўйин финал бўлади.

Тўғри, бундай ғалабалар ҳар доим бўлавермайди. Балки Каннаваро мотивация бўлгандир. Лекин шу куни ҳамма нарса ўхшади. Агар ғалаба Каннаваронинг келишига боғлиқ бўлса, Фабиони 23 октябрь кунги ўйинимизга таклиф қиламан. "Хоразм"га ғалаба зарур",- дейди Рустам Абдуҳамидов.