Траоре Рўзиқул Бердиевнинг янги топилмаси-ми?

Кеча 15 январь куни Бердиев йигитлари Бухорода "Бухоро"футбол клуби билан ўртоқлик уйинида майдонга тушди. Шу куни дарвозаларга жами 5та тўп киритилди. 19-дақиқада "аждарлар" ҳужумчиси Ҳусайин Норчаев баҳсдаги почин голга муаллифлик қилиб берган бўлса, “Бухоро”га “Сўғдиёна”дан келиб қўшилган ҳужумчи Иззат Абдуллаев 29 ва 54-дақиқаларда урган голлари эвазига мезбонларни ҳисобда олдинга олиб чиқди – 2:1.

79-дақиқада ҳимоячи Ғолиб Ғайбуллаевнинг голидан сўнг ҳисоб 2:2 кўринишини олди. Муҳриддин Зоиров 90-дақиқада "Насаф"га ғалаба келтирган голга муаллифлик қилди. Шунингдек шу куни қаршиликлар сафида ивуарлик ярим ҳимоячи Траоре ҳам ҳаракат қилди. Бақувват ва бўйдор легионер футболчига ҳозирча Рўзиқул Бердиев ҳар ўйинда имконият бериб келмоқда. Траоре "Насаф"да қоладими? Бош мураббий Рўзиқул Бердиев Қашқадарё вилоятидаги муҳбиримиз Номоз Чориев билан бўлган суҳбатда 19 ёшли ярим ҳимоячи ҳозирча кўрикда эканлигини уни кузатиб бораётганлигини, агарда ўзини ҳар томонлама яхши намойиш эта олса жамоада албатта олиб қолишини яшириб ўтирмади. Қолаверса ишончли манбаанинг маълум қилишича Рўзиқул Садуллаевичга легионер футболчининг ҳаракатлари маъқул келмоқда. Демак катта эҳтимол билан “Насаф” бош мураббийининг янги мавсумдаги ажойиб топилмаларидан бири Траоре бўлиши мумкин.