Рўзиқул Бердиев: "Сурхон" билан ўйин режамиз асосида ўтди"
28 июл 2019 09:11
Янгиликлар

Рўзиқул Бердиев: "Сурхон" билан ўйин режамиз асосида ўтди"

Суперлига 14-туридан ўрин олган "Сурхон" - "Насаф" (1:3) учрашувидан сўнг жамоамиз устози Рўзиқул Бердиев учрашув ҳақида ўз фикрларини билдириб ўтди.

- Йигитлар ғалабага ҳақли ўйин кўрсатишди. Ўйин режамиз асосида ўтди деб ўйлайман. Ўйиннинг бориши, тўп назорати, ва ҳисоб бўйича ҳам устунликка эришдик ва шу боис ғалабани қўлга киритдик. Бугунги рақибимиз жуда жиддий, тажрибали футболчиларга эга бўлган кучли жамоа эди. Рақибмиз ўз уйида ўйнаётганлиги туфайли ҳужумга берилишини кутган эдик. Шунинг учун ҳам биз қарши ҳужумлардан, стандарт вазиятлардан унумли фойдаланишимиз керак эди ва биз буни уддаладик.

- "Сурхон" биринчи даврада ёмон ўйин кўрсатмади. Аммо ҳозирги ўзгаришлар жамоага қанчалик фойда беради, буни вақт кўрсатади. Клубнинг олиб бораётган сиёсатини кўллаймиз, лекин унинг тўғри ёки нотўғрилигига аралашишга ҳаққимиз йўқ", - деди Рўзиқул Бердиев.