Рўзиқул Бердиев: "Икки нафар ҳужумкор ўйинчини таркибга қўшиб олишни режа қилганмиз"

Ўйин ҳақида

- Режамиз бўйича, олдинроқ "Истиқлол" билан ўйнашимиз керак эди. Бу бизга жуда фойдали ўйин бўлди. Тайёргарлигимизни яхши даражага чиқариб олдик. "Истиқлол" билан биринчи марта тўқнаш келдик. Бу жамоани ҳамма яхши билади. Тожикистон терма жамоаси асоси, мамлакат флагмани десак ҳам бўлади. Рақиб биз билан келишганда, бундан роса хурсанд бўлгандик. Ўйин режамиз бўйича ўтди. Баъзи камчиликлар кузатилди, аммо асосий мақсадга эришдик. Рақибга камроқ имконият беришни режа қилгандик. Тўпсиз ҳаракатларимизда буни уддаладик. Бугунги кўзланган мақсад ўйин амалиёти эди. Бунга биз эришдик. 

- Жаба Жигаурининг жамоага таклиф қилингани бежизга эмаслиги кўринди. Ундан келажакда нималар кутмоқдасиз?

- Биз ҳар бир ўйинчини таклиф қилганда, чуқур ўрганамиз. Унинг ўйинлари қай даражадаги футболчи эканлигини кўрсатиб турибди. Жигаури жисмоний ҳолатини бироз яхшилаб олса, жамоамизга бундан ҳам кўпроқ нафи тегади.

- Трансфер ойнаси очиқ. Янги ўйинчиларни таркибга қўшиб олиш бўйича режалар қандай?

- Ҳозир режамиз бўйича иккита ўйинчини таркибга қўшиб олишимиз керак. Улар ҳужумкор ўйинчилар бўлади.