Роберто Карлос касалхонадан чиқди
03 янв 08:26
Янгиликлар

Роберто Карлос касалхонадан чиқди

Собиқ футболчи Роберто Карлос юрагидан операция қилинган касалхонадан чиқарилди.

52 ёшли бразилиялик уни операция қилган шифокорлар билан расмга тушиб: "Тиббиёт ходимларининг эътибори ва меҳнатидан миннатдорман", деб ёзув қолдирди.

Маълумот учун, 31 декабрь оқшомида Карлоснинг оёғида тромб аниқланган. МРТ эса унинг юрагида муаммони аниқлаган. Шу орқали Роберто Карлос тезкорлик билан касалхонага ётқизилган ва салкам 4 соат давомида операция қилинган.

Карлос 1996-2007 йиллар давомида "Реал" шарафини ҳимоя қилган. Испания жамоаси таркибида у 4 марта Испания чемпионлиги, 3 бора ЕЧЛ бош совринини қўлга киритган.

Ҳавола :

Манба : championat.asia

Янгиликларни Телеграмда ўқинг!

Рейтинг: +3