Рикардо Кака: "Голлар сони ёки статистика бизга қизиқ эмас"
20 сен 2024 17:40
Янгиликлар

Рикардо Кака: "Голлар сони ёки статистика бизга қизиқ эмас"

Жаҳон чемпионати 2-туридан ўрин олган Ливия – Қозоғистон (1:4) учрашувидан сўнг Қозоғистон терма жамоаси бош мураббийи Рикардо Кака ўйин ҳақида фикрларини билдирди.

"Муҳими, ғалаба қозониш эди. Кимдир кўпроқ гол уриш кераклигини таъкидлаётганди, аммо бундай деяётган инсонлар жамоамизни яхши билмас экан. Биз ҳар доим ғалаба қозонишни мақсад қилганмиз.

Кўпроқ голлар урилиши мухлисларга ёқиши мумкин, лекин бизга уч очко ундан муҳимроқ эди. Ливия ҳам жуда тартибли ва сабрли жамоа экан.

Учинчи турда ҳам фақатгина ғалаба қозониш учун паркетга чиқамиз. Голлар сони ёки статистика бизга қизиқ эмас", – деди Қозоғистон терма жамоаси бош мураббийи Рикардо Кака.

Ҳавола :

Манба : Championat.asia

Янгиликларни Телеграмда ўқинг!

Рейтинг: +2