"Реал" Бэйлни ижарага бермоқчи
23 апр 2019 11:16
Янгиликлар

"Реал" Бэйлни ижарага бермоқчи

"Реал" ҳужумчиси Гарет Бэйл ёзги трансфер ойнасида ижарага берилиши мумкин.

Маълумотларга кўра, "қаймоқранглилар" раҳбарияти уэльсликни сота олмаса, уни ижарага беришга уриниб кўради. Клубдагилар бу йўл билан Бэйлни катта маблағга пуллаб бўлмаслигини тушуниб туришибди, аммо улар футболчиларга тўланадиган маошларни уэльслик орқали камайтирмоқчи.

Олдинроқ, "Реал" бош мураббийи Зинедин Зидан келаси мавсумдаги режаларига Бэйлни киритмагани ҳақида хабарлар пайдо бўлган эди. 29 ёшли футболчининг ўзи эса "Қироллик клуби"ни тарк этмоқчи эмас.

Бэйл жорий мавсум ЛаЛиганинг 27та учрашувида майдонга тушиб, 8та гол урди ва 3та голли пас берди.

Ҳавола :

Манба : Football Espana

Янгиликларни Телеграмда ўқинг!

Рейтинг: +7