"Реал" Азарни тўртинчи марта сотувга қўйди

Манба хабарига кўра, "қироллик клуби" бош мураббийи Карло Анчелотти ҳам, клуб раҳбарлари ҳам бельгиялик ярим ҳимоячидан ҳафсаласи пир бўлган. У қаторасига тўртинчи трансферлар даврида сотиладиган футболчилар рўйхатига киритилди. 

Яқин ҳафталарда Мадрид клуби Азар учун яна янги клуб излайди. У клубдаги юқори маош тўланувчи ўйинчилардан бири (солиқлардан кейин 15 млн евро) ва жамоа ўйинига таъсири пастлиги туфайли клуб у билан хайрлашмоқчи. 

"Реал" президенти Флорентино Перес Эден Азарни ҳозирда сотиб юбориш ёки ҳатто ижарага бериш имконсиз эканини яхши билади.

Эден мавсум ўртасида кетишни истамайди, айниқса, оиласи туфайли. Унинг испан клуби билан шартномаси 2024 йил ёзида ниҳоясига етади. Агар "Реал" ундан жамоани тарк этишни сўраса, 2023 йилнинг ёзида Мадриддан кетиши мумкин.