Равшан Мирзакаримов: "Нефтчи"га қарши қийин учрашув ўтказдик"
24 апр 2019 21:24
Янгиликлар

Равшан Мирзакаримов: "Нефтчи"га қарши қийин учрашув ўтказдик"

А Про-Лига 4-туридан ўрин олган “Нефтчи”- “Ифтихор” (1:0) учрашувидан сўнг меҳмонлар вакили Равшан Мирзакаримов қуйидагича фикрларни билдирди.

Бугун ғалаба қозониш учун астойдил ҳаракат қилгандик. Футболчиларимизда рақиб дарвозасини ишғол этиш учун кўплаб имкониятлар юзага келган бўлсада, афсуски гол киритиш насиб этмади. Лекин жуда қизиқарли ва муросасиз учрашув бўлди деб ўйлайман. Учрашув сўнгида ўз хатомиз эвазига гол ўтказиб юбордик. Бугун “Нефтчи”га қарши қийин учрашув ўтказдик.

Жамоамиз таркиби асосан ёш футболчилардан иборат. Мақсадимиз турли ёшдаги терма жамоаларимизга муносиб футболчиларни етказиб беришдан иборат. Насиб этса астойдил ишлаб “Ифтихор”ни келажакда Суперлигага олиб чиқмоқчимиз.

Бекзод Толибов ёзиб олди.
“Ифтихор” матбуот хизмати билан ҳамкорликда тайёрланди.