UZ

Сўнгги янгиликлар

19:22Назорат учрашуви. "Пахтакор" ва "Бунёдкор" жамоалари ўртасидаги ўйин бўлиб ўтмоқда (онлайн ҳисоб)  1 19:00Ўртоқлик ўйини. "Милан" Гонконгда "Ливерпул"ни мағлуб этди  1 18:40"Реал" "Арсенал" билан учрашув учун делегация тайёрламоқда  3 18:15Ўзбекистон U-17 терма жамоасининг "Чертаново"га қарши ўйин учун таркиби маълум  5 17:55Тодоров Тошкентнинг бошқа клубига ўтди  0 17:31Иккинчи даврадан водийдаги ўйинлар ПФЛ сотиб олган янги камераларда трансляция қилинади  6 17:07Отабек Шукуров: "Персеполис" менга таклиф билан чиқди, лекин..."  5 16:42"Андижон" нигериялик ҳужумчи билан шартнома имзолади  17 16:20Ўзбекистон U-18 селекция йиғини учун футболчиларнинг иккинчи қисмини танлаб олди  0 15:53"Қўқон-1912" ва "Нефтчи"да ҳам қарздорлик бор  8 15:29Аброр Исмоиловнинг агенти "Навбаҳор" устидан ОФКга арз қилди  20 14:53Шаҳзод Азмиддинов иккинчи даврани "Андижон"да бошлайди  6 14:48Иккинчи давра стартига бир ҳафта қолди  2 14:34"Интер" ҳужумчи учун 45 млн евро таклиф қилди  0 14:11Шусуке Фуруя: "Саудияга қарши ўйин мен учун биринчиси эди. Ўзбекистонликлар паслар орқали ўйинни яхши назорат қиладиган жамоа"  0

Равшан Ҳайдаров: "Бизда асосий ва захира таркиб деган тушунча йўқ" Янгиликлар

Равшан Ҳайдаров: "Бизда асосий ва захира таркиб деган тушунча йўқ"

U-20 Осиё Кубоги 2-тури доирасидаги Ироқ – Ўзбекистон (0:1) баҳсидан кейин ўтказилган матбуот анжуманининг иккинчи қисмида Равшан Ҳайдаров фикрлари билан ўртоқлашди.

Ўйин ҳақида

- Ўйлашимча, бугунги учрашув жуда шиддатли ва асабий руҳда ўтди. Футболчимизнинг қизил карточка олиши қолганларга қийинчилик туғдирди, лекин жамоа бугун юракдан ўйин натижага масъулият билан ёндашгани сабабли қийин ғалабага эришдик.

- Иккинчи бўлимнинг катта қисмида Ироқ ташаббусга эга чиқди, ҳимояда баъзи хатолар кузатилди...

- Ўн киши бўлиб қолгач, тактикани ўзгаритиришга мажбур бўлдик, яъни қарши ҳужум тактикасига ўтдик. Ироқ яхши жамоа, футболчилари бақувват. Тўғри, хатолар юзага келди, сабаби бир киши кам бўлиб одатдагидан икки баравар куч сарф қилдик. Қолаверса, дарвозабонимиз яхши ўйин намойиш этди. Хатоларимиз борлигини яширмайман, лекин уларни тўғрилашга ҳаракат қиламиз. Ўйин давомида қарши ҳужумда 2-3 та хавфли вазиятни якунига етказишимиз мумкин эди, аммо улардан фойдалана олмадик. Четлатишдан сўнг иккинчи бўлимда танлаган тактикамиз тўғри деб ўйлайман. 


- Абдураззоқов захирага олингач, очиқчасига норозилигини билдирди ва тўғридан-тўғри кийиниш хонасига йўл олди. Жамоада интизом масаласида иш олиб бориладими?

- Йўқ, ҳеч қандай норозилик бўлмади. Нодир мен билан қўл бериб кўришди. Ички муҳит борасида алоҳида иш олиб борилади. Ҳозирги таркибда Ўзбекистоннинг энг кучли 23 нафар футболчиси жамланган. Юқоридаги масалага келсак, бундай ҳолатлар бўлиб туради. Бизда асосий таркиб ва захира деган тушунча йўқ. Жамоада ҳамма бирдай кўрилади.


- Футболчиларнинг ҳиссиётларини қандай назорат қиласиз? Кейинги ўйинларга футболчиларни қандай тайёрлайсиз?

- Бугун катта куч ва эмоция сарф қилинди. Биз бу борада ҳам алоҳида иш олиб борамиз. Ҳатто захира ўйинчилари билан ҳам алоҳида иш олиб борилади. Чунки уларга ҳам имконият берилади. Эндиликда тезроқ тикланиб, учинчи ўйинга тайёргарлик кўришимиз лозим.


- Иккала ўйинни кузатиб шуни кўрдикки, футболчилар кўпроқ индивидуал жиҳатдан фойда келтиришга ҳаракат қиляпти. Бу кейинроқ кучли жамоалар билан баҳсда зарарга ишламайдими?

- Тўғри айтяпсиз. Буни футболчиларга доим тушунтирамиз. Марказда бундай қилиш керак эмас. Ностандарт ва индивидуал ҳаракатлар қиладиган футболчиларни қўллаб-қувватлайман, бу кўпинча гол олиб келади. Кучли жамоалар билан ўйинда нафақат жамоавий, балки индивидуал ҳаракатлар ҳам қўл келади.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика