Рауф Инилеев: "Осиё футболи ҳам жисмоний тарафлама Европа футболига яқинлашиб бормоқда"

Унда Беларусь U-17 Ўзбекистон U-18 ни мағлуб этди (4:2). Учрашувдан сўнг термамиз устози Рауф Инилеев фикрлари билан ўртоқлашди.

"Биринчи ўйин ҳар доим қийин кечади, айниқса, мезбонларга қарши бўлса. "Пересадка"лар озгинга толиқтириб қўйди. Шунинг учун бошида йигитларимиз чарчаб қолишди. 

Умуман олганда, ўйин қизиқ кечди ва голларга бой ўтди. Менга Беларуснинг ўйини ёқди, аммо ўз терма жамоамиз ҳам муносиб равишда тўп тепди", – дея гап бошлади Ўзбекистон U-18 бош мураббийи Рауф Инилеев. 

- Мазкур мусобақадан келажакда нималарни кутяпсиз? Турнир жамоангизнинг кейинги ривожида қандай роль ўйнайди?   

- Турнир ўз номи билан  ("Ривожланиш кубоги" – таҳр.) барчасини англатиб турибди. Мусобақа ёш футболчиларимизга қўл келади, чунки улар бу ёшда катталарга қўшилиб кетишда қийинчиликка дуч келишади. Ўйлайманки, турнирнинг бу борадаги роли катта. Мусобақа доирасидаги учрашувлар мамлакатларимиз ўсмирлари ривожланишига ҳисса қўшади.    

- УEФА таснифига кирувчи Беларусь термасига қарши ўйнаш қандай кечди? Фарқ сезилдими? 

- Биласизми, Осиё футболи ҳам жисмоний тарафлама Европа футболига яқинлашиб бормоқда. Ўйлайманки, фарқ катта эмас, аммо устунлик барибир Европа футболида. Фурсатдан фойдаланиб, таклиф учун Беларусь футбол федерациясига миннатдорлик билдирамиз. Ҳаммаси юқори савияда ташкил қилинибди.