Рауф Инилеев: "Бунёдкор"га муносиб қаршилик кўрсатдик"

"Дерби доим оғир ўтади. Рақиб Ўзбекистоннинг энг кучли клубларидан бири эди. Бизнинг жамоа бутун ўйин давомида муносиб кўриндик. Учрашувда биз ҳам, меҳмонлар ҳам ютиши мумкин эди.

Бугунги кунда стадион майдони яхши ҳолатда экан. Бундан албатта қувондим, бу ерда чиройли ўйин кўрсатиш мумкин.  

"Обод" ўтган йил олий лигада дебютант эди. Шу боис бироз осонроқ бўлганди. Ҳозир эса барча бизга қарши олий лига клуби сифатида майдонга тушади.

Наврўз Хаипов биринчи лигадан келди ва ўртоқлик учрашувларида ўзини яхши кўрсатди. У олий лиганинг дастлабки икки турида ҳам гол урди. Норхонов эса тезкор ва боши билан яхши ўйнайди. Агар яна бир ҳужумчи топганимизда ажойиб бўларди.

Катта танаффусдан сўнг яна "сафга" қайтганимдан хурсандман", - дейди Рауф Инилеев.

"Обод" матбуот хизмати