Расмий хабар: Ҳошимов яна “Навбаҳор”га қайтди
10 авг 2020 20:30
Янгиликлар

Расмий хабар: Ҳошимов яна “Навбаҳор”га қайтди

Ёзги трансфер “дарчаси”нинг илк кунидаёқ "Навбаҳор" таркибни кучайтиришни бошлади.

“Навбаҳор” бугун тажрибали ҳимоячи Даврон Ҳошимов билан 1,5 йиллик шартнома имзолади. Мазкур футболчи 1992 йилнинг 24 ноябрь куни туғилган. Футболчилик фаолияти давомида “Пахтакор” (Тошкент, 2011 – 2017 йиллар), “Навбаҳор” (Наманган, 2018 йил), “Локомотив” (Тошкент, 2019 йил – 2020 йилнинг 1-давраси) жамоаларида тўп тепган.

Тажрибали ҳимоячи 2018 йилги мавсумда “лочинлар” таркибида 24та ўйинда майдонга тушиб, 2049 дақиқа ҳаракат қилган ҳамда “Навбаҳор”нинг 14 йиллик танаффусдан сўнг, бронза медалини қўлга киритишида ўзининг муносиб ҳиссасини қўшганди.

Бир ярим йиллик танаффусдан сўнг, Даврон Ҳошимов яна "Навбаҳор" сафига қайтди.

“Навбаҳор” ПФК матбуот хизмати.