Расмий хабар: Эртага “Навбаҳор”да жиддий ўзгаришлар рўй беради

“Бунёдкор” билан бўлиб  ўтган ўйиндаги мағлубиятдан сўнг Мўминжоновнинг ўрнини бошқа бир мутахассис эгаллаши мумкинлиги кўп бора таъкидланмоқда. Суперлиганинг 25-тури доирасидаги Тошкентда “Бунёдкор”дан (0:2) учралган мағлубиятдан кейин “Навбаҳор”нинг чемпионлик учун имкониятлари кескин пасайиб кетди.

“Қалдирғочлар”дан учралган мағлубиятдан мухлисларнинг кайфияти тушиб кетганлиги бор гап. Ҳар ҳолда жамоамиз ишқибозлари Тошкентга ижобий натижа илинжида йўл олишганди. Лекин, натижа кутилгандек бўлмади. Айни пайтда вилоят футбол ассоциацияси ва клуб раҳбарияти вазиятни ўнглаш, мухлисларнинг “Навбаҳор” жамоасига бўлган меҳрини қайтариш устида иш олиб боришмоқда. Барчага маълумки, Наманган вилоят ҳокими, вилоят футбол ассоциацияси президенти Хайрулла Бозаров жамоани юқори ўринлар учун курашиши учун барча шарт-шароитларни яратиб бермоқда. Айнан вилоят раҳбарининг саъй-ҳаракатлари самараси ўлароқ, “Навбаҳор” аввалги обрўсини яна тиклашга интилмоқда. Клубда ҳаммаси яхши бўлиши учун ҳозир ҳам бош қотирилмоқда.

Мухлисларимизни хотиржам қилган ҳолда таъкидлаш жоизки, эртага “Навбаҳор” жамоасида жиддий ўзгаришлар рўй беришини айтишимиз мумкин. Эртага “Навбаҳор” ПФКда катта йиғилиш ўтказилади ва клубда бир қатор янгиликлар рўй беради. Мазкур янгиликлардан биринчи бўлиб, расмий сайтимизда хабар берамиз. Бир сўз билан айтганда, жамоамиз мухлисларининг ишончларини оқлаш ва уларни хурсанд қилиш учун “Навбаҳор” ПФК томонидан бир қатор чора-тадбирларни амалга ошириш режалаштирилган.

Эшитдик-да! "Манчестер Юнайтед" собиқ футболчиси "Навбаҳор" бош мураббийи бўлади

Илҳом Мўминжонов: "Канчельскис келади? Буни сиздан эшитдим"