Расман: “Пахтакор” футболчиси “Энергетик-БГУ”га ўтди
17 сен 2020 21:16
Янгиликлар

Расман: “Пахтакор” футболчиси “Энергетик-БГУ”га ўтди

“Шерлар” аъзоси Ҳумоюнмирзо Иминов фаолиятини Беларусда давом эттиради.

Иминов бир йиллик ижара асосида “Энергетик-БГУ”га ўтди.

20 ёшли футболчи ўтган йили ёшлар (U-21) жамоасидан “Пахтакор”нинг асосий жамоасига ўтказилганди. Шу вақт оралиғида у Ўзбекистон Суперлигасида 6та ўйинда майдонга тушиб, 368 дақиқа давомида ҳаракат қилди. Шунингдек, у Ўзбекистон Кубогида икки ва ОЧЛда битта баҳсда майдонга тушган.

Минскликлар Ҳумоюнмирзо билан бирга беларуслик 18 ёшли ярим ҳимоячи Климентий Гаврилов ("Ислоч") ва украиналик 20 ёшли хавбек Олег Сквирани ("Волин") ҳам ўз сафига қўшиб олди.