Расман: "Манчестер Сити" дарвозабони ижара асосида "Мидлсбро"га ўтди
19 июл 2022 21:52
Янгиликлар
Расман: "Манчестер Сити" дарвозабони ижара асосида "Мидлсбро"га ўтди
"Манчестер Сити" ва АҚШ терма жамоаси дарвозабони Зак Стеффен 2022/2023 йилги мавсумни ижара асосида "Мидлсбро"да ўтказади, деб хабар бермоқда "шаҳарликлар" расмий сайти.
Дарвозабоннинг янги жамоаси Англиянинг иккинчи энг кучли лигаси саналмиш Чемпионшипда ўйнайди.
"Сити"даги икки мавсумда Штеффен 21 та ўйинда майдонга тушиб, 16 та гол ўтказиб юборган. Клуб билан биргаликда икки марта Англия Премьер-лигаси ва бир марта Лига Кубогини қўлга киритган.
Дарвозабон АҚШ терма жамоаси сафида 29 та ўйин ўтказиб, ўз дарвозасидан 28 та тўп олиб чиққан.
Шунингдек, Стеффен фаолияти давомида Американинг "Коламбус Крю" ва "Питтсбург Риверхаундс" клублари, Дюссельдорфнинг "Фортуна" жамоаси ва "Фрайбург"нинг иккинчи жамоасида ҳаракатланган.
Эслатиб ўтамиз, "Манчестер Сити" АПЛнинг янги мавсумдаги илк учрашувини 7 август куни сафарда "Вест Хэм"га қарши ўтказади.
Ўхшаш янгиликлар
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. "Насаф" "Навбаҳор" майдонида очко йўқотди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган
Фикрлар