Рашид Ғофуров: "Иккинчи бўлимдаги ўйинни биринчи бўлимда кўрсатганимизда ғалаба қозонардик"

"Агар иккинчи бўлимдаги ўйинимизни биринчи бўлимда ҳам намойиш қилганимизда ғалаба қозониб кетишимиз мумкин эди. Тезда гол ўтказиб юборганимиз йигитларни стресс ҳолатига тушириб қўйди. Бизга совуққонлик, ҳотиржамлик етишмади. 10-15 дақиқа тўпни ўзимизда сақлаб турганимизда ўз ўйинимизни кўрсатишни бошлаб юборардик. Пишур бўйи пастроқ ҳужумчи бўлганида бир ҳимоячи қўриқлаб юрарди. Ҳозир уни икки нафар ҳимоячи қўриқлаяпти. Бундан бошқа ҳужумчиларимиз фойдаланиб қолишлари мумкин. Бу мавсумда ҳеч бўлмаганда ўтган йилги натижани такрорлашга ёки ундан ҳам баландроқ ўринни эгалламоқчимиз", - дейди Рашид Ғофуров.