Қосимовнинг мақсади нима?

Унинг исм-шарифи ҳам Толибжон Қосимов. Фақат фарқлаш учун биз уни Толиб "ЖУНИОР" деб атаймиз. Мақсади аниқ ва тиниқ бўлган бу бола яқинда уйланди. Баъзи ҳамкасбларимизни тўйига таклиф қилди.

- Аъло, Зафар ака, (Зафар Қосимов) мен Толибжон Қосимов бўламан. Палончи куни тўй қилаётган эдик. Палон ресторанда, сизни кутаман.

Кўп ўтмади, "Бунёдкор" жамоасининг янги йил кечасига таклиф олган журналистлар ичида мен ва Зафар ака ҳам бор эдик. Зафар ака ёнидаги ҳамрохига гап қотди.
- Яқинда Толиб ака қўнғироқ қилдилар, менимча ўғилларини суннат қилдилар шекилли, тўйга айтган эдилар, афсуски, бора олмадим.

"Ва ҳа ҳа ҳа", дея ичимда кулдим. Афтидан, Зафар Қосимов, кичик Толиб Қосимовни катта Қосимов деб ўйлаган.

Кичик Толибни туғилган куни билан табриклаб сайтга ёзган эдик, катта Толиб Қосимовнинг телефон гўшаги ҳеч тингани йўқ.

Толиб Қосимовнинг бу ҳаётдаги асосий мақсади - катта фермер хўжалигини ташкил қилиш ва у ерда ўз жамоасига эга бўлиш. Ҳозирча у "Sony Plastation"да бу борада катта меҳнат қиляпти. Унга "Чорсу" бозори ёнидаги "тунукачилар" маҳалласидан махсус темир "жёстик"ка буюртма бердик. Сабаби, у ҳар сафар мағлубиятга учраётганида аламини "жёстик"дан олади. Одатда у ҳамма ўйинда мағлубиятга учрайди.

Нодирхўжа Юлдашев