UZ

Сўнгги янгиликлар

10:48"Арсенал" асосий футболчиси билан узоқ муддатли шартнома имзолади  0 10:22Клопп Осиё жамоасини бошқариши мумкин  1 09:55Хави МЮни бошқаришга рози  4 09:27Sofascore. Ҳамробеков жамоадошлари орасида энг яхши баҳолардан бирига лойиқ кўрилди  1 09:01Sofascore. Аламли тарзда мағлуб бўлган "Насаф" футболчилари неча баҳога лойиқ кўрилди?  11 08:33"Пахтакор" "Сурхон"ни қийинчилик билан мағлуб этган учрашувдан ФОТОГАЛEРEЯ  0 08:07Суперлига. Бугун 23-тур якунланади  7 07:30Суперлига. "Пахтакор" – "Сурхон" 1:0   0 01:06Умар Эшмуродов: "Футболимизнинг камчиликлари билиниб қолди"  15 00:27Жавоҳир Сидиқов: "Ютса жамоа ютади, ютқазса ҳам жамоа ютқазади"  8 00:18Элит ОЧЛ. "Насаф" - "Ал Ҳилол" 2:3  5 00:00ОФК ЭЧЛ. Ҳамробеков жамоаси дуранг ўйнади  0 23:24Камолиддин Тожиев : "Охиригача курашиб, муҳим уч очкони қўлга киритдик"  0 23:08Февзи Давлетов: "Ғалаба қозониш учун гол уриш керак, биз эса уч ўйиндан буён гол ура олмаяпмиз"  2 23:00"Насаф" бош мураббийи Рўзиқул Бердиев: "Бугун савия ва даража ўз сўзини айтди"  39

Қосимов ниҳоят Бақоевни енгди, "Сурхон"да биринчи ғалаба, "Нефтчи"да "қора" кунлар — Суперлига 7-туридан 10 та факт Янгиликлар

Қосимов ниҳоят Бақоевни енгди, "Сурхон"да биринчи ғалаба, "Нефтчи"да "қора" кунлар — Суперлига 7-туридан 10 та факт

Суперлиганинг ортда қолган 7-турига оид факт ва маълумотларни тақдим қилишда давом этамиз.

1. "Бунёдкор"нинг Намангандаги ғалабасиз серияси 6 та ўйинга етди. Жамоа охирги маротаба 2016 йилнинг биринчи даврасида Намангандан уч очко билан қайтганди.

2. Миржалол Қосимов АГМК бошқарувида илк бор "Сўғдиёна"ни мағлуб этишнинг уддасидан чиқа олди. Аввалги 6 та ўйиннинг 3 тасида дуранг, 3 тасида жиззахликлар ғалаба қозонган. Демак, ушбу ноҳуш анъанага чек қўйилди. 

3. Дониёр Абдуманнопов кетма-кет уч ўйинда гол урди. Аввалги 2 та ўйинда "Сўғдиёна" ғалабани тантана қилган бўлса, АГМКга урган голи муваффақиятли натижа учун етарли бўлмади. 

4. "Нефтчи"нинг Суперлигадаги ғалабасиз ўйинлари сони 5 тага етди. Жамоа турнир жадвалининг 14-поғонасида кетмоқда. 

5. "Пахтакор" ва "Насаф" чемпионатда мағлубиятсиз одимлашда давом этади. "Сўғдиёна" эса жорий мавсумдаги биринчи мағлубиятини АГМКдан қабул қилиб олди. 

6. "Сурхон" 7-турда "Қўқон-1912" устидан ғалаба қозонди. Бу жамоанинг Суперлигадаги илк ғалабаси ҳисобланади. Анхель Лопес шогирдлари бунга қадар 2 та дуранг, 3 та мағлубият қайд этишган эди. Шунингдек, жамоанинг захирасида "Насаф"га қарши битта ўйин ҳам бор.

7. Йован Жокич "Навбаҳор" либосида дебют голини урди. 

8. Дебютантлар. Ушбу турда бир қатор футболчилар ўз жамоаларида Суперлигадаги биринчи ўйинларида майдонга тушишди: Шерзод Комилов ("Локомотив"), Аббос Эргашбоев ("Пахтакор"), Акмал Козимов ("Динамо"), Диёр Жалолиддинов ("Қўқон-1912"), Фахриддин Муҳаммадов ("Нефтчи")

9. Ушбу турда дарвозаларга 14 та тўп киритилди. Энг сермаҳсул ўйин АГМК – "Сўғдиёна" (5 та гол). Фақатгина "Насаф" – "Пахтакор" учрашуви нурсиз натижа (0:0) билан якунланди. 

10. Суперлигада фақат "Локомотив" ва "Қўқон-1912" ҳамон дуранг ўйнагани йўқ. 

Абдулазиз Искандаров

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика