Қорақалпоғистон сафарининг илк кунидан ГАЛЕРЕЯ

Туш вақтига яқин Нукус шаҳрига етиб келган делегация аъзолари тантанали равишда кутиб олинди.

ЎФА биринчи вице-президенти Равшан Эрматов бошчилигади делегация Қорақалпоғистон Республикаси футбол фахрийлари, футболга улкан ҳисса қўшган инсонлар — Михаил Солоҳин ва Серик Исмаилов хонадонларига ташриф буюрди. Учрашув давомида Қорақалпоғистон футболининг ёрқин тарихи ва фахрийларнинг ўлка футболи учун қўшган ўринлари эслаб ўтилди.

Футбол фахрийларига ўзбек футболининг 110 йиллигига бағишланган кўкрак нишони ва эсдалик совғалари топширилди.

Шундан сўнг делегация аъзолари Қорақалпоғистон Республикаси бўлалар-ўсмирлар футбол академиясига ташриф буюрди.

Учрашувда болалар-ўсмирлар мактабининг фаолияти, инфратузилмаси ва мавжуд шарт-шароитлари кўздан кечирилди. Қорақалпоғистон миқёсида болалар футболининг инфраструктураси юзасидан фикр алмашилди.

Тадбир давомида футбол фахрийлари томонидан академия ҳудудига манзарали дарахт кўчатлари экилди. 

Учрашув якунида ўзбек футболининг уч авлод вакиллари ўртасида учрашув ташкиллаштирилди ва фахрийларимиз академиянинг ёш тарбияланувчиларига ўз тажрибаси ва маслаҳатлари билан ўртоқлашдилар.

Режага мувофиқ, делегация аъзолари кун ярмидан оғганда Ўзбекистон кубоги доирасида "Арал Сомали" - "Янгиер" учрашувига ташриф буюришди. Учрашув меҳмонларнинг 3:0 ҳисобидаги ғалабаси билан якунланди.

Ўзбекистон кубоги доирасидаги "Арал Самали" - "Янгиер" учрашувидан олдин бир гуруҳ футбол фахрийлари тақдирланди.

Эртага ҳам бир қатор тадбирлар бўлиб ўтиши режалаштирилган.