UZ

Сўнгги янгиликлар

19:42Тухелнинг "Бавария"даги тақдири ҳал бўлди  1 19:39Суперлига. "Андижон" - "Сўғдиёна" 0:0 (матнли трансляция)  22 19:30 "Реал" - "Кадис"  3 19:08Саудия Арабистонининг иккинчи даражали лигасидаги жамоа Моуриньюга қизиқиш билдирмоқда  2 18:36Бу жамоа 22 йил ўтиб АПЛга қайтди  5 18:29АПЛ. "Арсенал" ВАР қарорлари туфайли ғалабага эришди ва жадвалда биринчи ўринга чиқиб олди  15 17:06Рюдигер Роналдуни "Реал"нинг энг буюк футболчиси деб атади. Криштиану тезда "коммент" ёзди  12 16:45Мартино Ди Мариянинг "Интер Майами"га ўтиши ҳақидаги миш-мишларга фикр билдирди  0 15:53Финалдаги ҳиссиётлар. Япония - Ўзбекистон ўйинидаги суратлар жамланмаси  6 15:24Суперлиганинг 6-турини ўтказиб юборадиган футболчилар  2 15:19АПЛда "Олтин қўлқоп" кимга насиб этиши маълум бўлди  6 14:43"Бавария" Эрик тен Хаг номзодини кўриб чиқяпти  10 14:14Кассано: "Аллегрини матбуотда 4-5 нафар дўсти бор, улар мураббий айтганини ёзади"  0 13:42Ҳеч нарса қилмаган одам хатога йўл қўймайди  28 13:21Ройсга МЛС клублари қизиқиш билдирмоқда, аммо...  3

"Қўқон-1912" стадиони ёритқичлари янгиланади Янгиликлар

"Қўқон-1912" стадиони ёритқичлари янгиланади

Бу ҳақда клуб матбуот хизмати хабар берди.

"Ўтган мавсумни кўнгилдагидек ўтказа олмаганимизнинг сабабларидан бири сифатида "Қўқон-1912" жамоасининг ўз уй ўйинларини Қўқондаги "Марказий" стадионида ўтказа олмаганлиги деб ёзган эдик.

Албатта, Яйпандаги "Ўзбекистон" стадиони ходимлари жамоамиз аъзолари учун барча шароитларни яратиб беришган бўлса-да (бунинг учун уларга чуқур миннатдорлигимизни билдирамиз) барибир ўз майдонингдаги ўтказган ўйин бошқача бўлади. Айтишади-ку ўз уйингда деворлар ҳам ёрдам беради, деб. Агар жамоамиз ўз ўйинларини Қўқонда ўтказганида, ҳар бир ўйинда мухлисларимизнинг кўпроқ далдаси ва қўллаб-қувватлашларига эга бўлардик.



Қўқондаги "Марказий" стадионига ЎзПФЛ томонидан ёритқичлар талабга жавоб бермаганлиги сабабли тақиқ қўйилган эди. Жамоамиз ўтган йил бошида Польша давлатининг "Philips" компанияси ёритқичларини ўрнатиш бўйича дилер компания билан шартнома имзолаган ва бунинг учун маълум миқдорда пул ҳам тўланган ҳамда ёритқичларнинг бир қисми Қўқонга етиб келган ҳам эди. Бироқ кейинчалик юзага келган молиявий муаммолар сабабли келишилган сумманинг қолган қисмини тўлай олмадик ва ёритқичларнинг қолган қисмлари ҳам бизга етиб келмади.

Жамоамиз раҳбарияти келгуси мавсумга стадионни барча талабларга жавоб бера оладиган ҳолатга келтириш учун аллақачон амалий ишларни бошлаб юборишган. Биринчи навбатда, стадион ёритқичлари масаласи билан шуғулланган раҳбарларимиз аввалги компания билан шартномани бекор қилди ҳамда Литва давлатининг ЗАО "Транзито паслаугу центрас" компанияси билан янгитдан келишувга эришдилар. Бу компания ҳам "Philips"нинг расмий дилери ҳисобланади. Олиб борилган музокаралар натижасида Қўқонга етиб келган "Philips" ёритқичларига яна қўшимча энг сўнгги русумдаги ёритқичлар ва бутловчи қисмлар келтирилади ва "Марказий" ўйингоҳи ПФЛ талаб қилган ёруғлик люксига эга бўлади. Кеча юқоридаги компания ҳисоб рақамига келишилган миқдордаги пул маблағлари тўлиғича ўтказиб берилди. Энди Литва компанияси декабр ойи ичида, узоғи билан январь ойида ёритқичларни Қўқонга етказиб бериш масаласини ҳал қилади ҳамда янги йилнинг январь ойида "Марказий" стадионида ёритқичларни ўрнатиш ишлари олиб борилади. 

Қолаверса, стадионимиз чимини янги мавсумгача футбол ўйнаш учун идеал ҳолатга келтириш, майдон чимига мутахассислар билан маслаҳат қилган ҳолда ишлов бериш бўйича ҳам ишлар шу кунларда бошланади. Хуллас, келгуси мавсумни мухлисларимиз қаршисида ва барча талабларга жавоб берадиган чиройли стадионда ўтказамиз", – дейилади хабарда.

Эслатиб ўтамиз, "Қўқон-1912" ўтган мавсумни 13-ўринда тугатди ва энди кейинги мавсумни Про лигада ўтказади.

Рейтинг: -2   

Фикрлар

championat.asia
< сўнгги янгиликларни кўриш
Яндекс.Метрика