UZ

Сўнгги янгиликлар

02:07ЖЧ саралаши. Испания, Италия, Португалияда ғалаба ва бошқа натижалар  0 00:25"Бавария" Гнабри бўйича қарор қабул қилди  0 23:16"Барселона" 17 ёшли франциялик иқтидорга қизиқмоқда  1 22:22"Ливерпуль" ПСЖ ҳимоячиси билан шартнома имзоламоқчи  5 21:484 та гол урилган Ўзбекистон U-17 ва Туркия U-17 ўртасидаги ўртоқлик ўйинидан ФОТОГАЛЕРЕЯ  3 21:30Рафаэль Бенитес АПЛга қайтиши мумкин  4 20:25"Байер" футболчиси Ҳалил Коч: "Ўзбекистон кучли ва курашувчан жамоа экан"  12 19:51Садриддин Ҳасанов: "Бу ўйинда биз мураббийларнинг кўрсатмаларини тўлиқ бажара олмадик"  1 19:33Нурбек Сарсенбаев: "Бизга кучли рақиблар керак. Чунки жаҳон чемпионатидаги рақиблар бундан-да кучлироқ бўлишади"  4 19:20Ямал дербига қадар тикланмайди  8 18:56Ўзбекистон U-17 — Туркия U-17 ўртоқлик ўйинида дуранг  14 18:41"Сўғдиёна" назорат ўйинида "Динамо"ни мағлуб қилди  2 18:24Россиялик собиқ футболчи Эрон термаси ҳақида: "Сайёҳлар жамоаси. Улар қандай қилиб жаҳон чемпионатига чиқди, ҳайронман"  38 17:58Жон Оби Микел ўзининг АПЛ рамзий термасини тузди  6 17:43"Ливерпуль" футболчиси жароҳат сабабли термаси ихтиёрини тарк этди  0

“Қўқон-1912”: Саратонга қарши курашаётган Раҳматиллони қўллаб-қувватлайлик! Янгиликлар

“Қўқон-1912”: Саратонга қарши курашаётган Раҳматиллони қўллаб-қувватлайлик!

Яқинда Ўзбекистон профессионал футбол лигаси томонидан “Саратондан соябон бўл” хайрия акцияси бошланган эди.

“Қўқон-1912” футбол клуби аъзолари ҳам ушбу акцияда фаол иштирок этишни мақсад қилди. Жамоа раҳбарияти Қўқон шаҳрида истиқомат қилувчи, айни кунларда саратон касаллигига қарши курашаётган Умаров Раҳматилло Камолжон ўғли яшаётган, Қўқон шаҳар Янги Чорсу кўчасидаги хонадонга ташриф буюришди.

Клуб матбуот хизматининг маълумот беришича, 2005-йилнинг 19-августида туғилган Раҳматиллонинг ҳам ўз тенгқурлари каби бир олам орзулари бор. У келажакда футболчи бўлишни орзу қилади ҳамда ушбу орзусини рўёбга чиқариш учун “Қўқон-1912” футбол клуби қошидаги футбол мактабида, мураббий Наримон Асанов қўл остида машғулотларга қатнай бошлаган эди. 2017-йилнинг сентябрь ойида кутилмаганда унинг аввалига чап сўнгра эса ўнг қулоғи остида шиш пайдо бўлади. Шифокорлар Раҳматиллога саратон ташхисини қўйишади. Ўтган салкам икки йиллик даврда Раҳматилло ота-онаси ҳамда қариндош уруғлари ёрдамида Тошкентдаги республика онколигия диспансерида ҳамда Бухородаги онкология ва радиология тиббий марказида даволаниш жараёнларини бошидан ўтказди. Шифокорлар Раҳматиллони узоқ муддат даволаниши лозимлигини таъкидлашмоқда.



“Қўқон-1912” футбол клуби Умаров Раҳматиллони қўллаб-қувватлайди. Унинг келажакда соғайиб, ўзи орзу қилган футболчи бўлиши йўлида қўлдан келган барча ёрдамларини кўрсатади. Бугун жамоа раҳбарияти Раҳматиллога футбол тўпи, спорт кийимлари ҳамда турли ширинликлар тақдим қилиб унинг мурғак қалбида умид учқунларини пайдо қилишга ҳаракат қилишди. Эртадан эса унинг дадаси номига очилган плстик карточкага барча футболчилар ҳамда жамоа аъзолари номидан пул маблағлари келиб тушишни бошлайди.

“Қўқон-1912” футбол клуби раҳбарияти барча Қўқонлик футбол ишқибозларини ҳам Раҳматиллони қўллаб-қувватлашга чорлайди. Айни кунда Умаров Раҳматиллонинг дадаси Ҳошимов Камол Умаровичнинг номига пластик карточка очилган. Муборак рамазон ойида эҳсон қилмоқчи бўлган мухлисларимиз қуйида келтирилган рақамлар орқали ўзларининг пул маблағларини Ҳошимов Камол Умаровичнинг пластик карточкасига ўтказишлари мумкин бўлади.


Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика