“Қўқон-1912” Ойбек Нурбоев ва Иззат Ғаниев билан шартнома имзолади

Олдин хабар бериб ўтганимиздек, Иззат Ғаниев бу йилги мавсумнинг биринчи қисмини жамоамизда сафида ўтказган бўлса, Ойбек Нурбоев иккинчи даврада ижара асосида “Қўқон-1912” сафида тўп сурганди. Унинг “Нефтчи” билан тузилган шартномаси якунига етгач, “Қўқон-1912”нинг тўлақонли аъзосига айланди.

Ойбек Нурбоев мухлисларимиз учун бегона эмас. Қорақалпоғистон футбол тарбияланувчиси бўлган 27 ёшли ҳимоячи фаолиятининг катта қисмини Фарғонанинг “Нефтчи” жамоасида ўтказган. 2010-2013 йиллар давомида “Нефтчи”сафида ўйнади.  2013 йилнинг ёзида “Нефтчи”ни тарк этган. 2013 йилги мавсумнинг иккинчи қисмида “Динамо” шарафини ҳимоя қилди. 2014 йилни эса “Бухоро” клубида ўтказди. 2015 йил бошида эса яна “Нефтчи”га қайтди. 2016 йилни эса “Қўқон-1912” жамоаси аъзоси сифатида бошлайди.

Мухлисларимиз учун яна бир қувончли хабар. Кеча шунингдек, “Қўқон-1912”нинг етакчилари Азиз Ашуров, Жалил Кимсанов ва Баҳодир Акрамовларнинг шартномалари узайтирилди.