“Қўқон-1912” жамоаси 2-даврага тайёргарликни қурбон ҳайити байрамидан сўнг бошлайди
07 июл 2022 21:00
Янгиликлар

“Қўқон-1912” жамоаси 2-даврага тайёргарликни қурбон ҳайити байрамидан сўнг бошлайди

Теглар : "Қўқон-1912"

Суперлигада 1-давра ўйинлари ўз якунига етгач барча жамоалар каби “Қўқон-1912” жамоаси аъзолари ҳам таътилга чиқишган.

Айни кунларда барча футболчи ҳамда мураббийлар оила даврасида ҳордиқ чиқаришмоқда.

Клуб матбуот хизматининг хабарига кўра, “шунқорлар” мавсумнинг иккинчи қисмига тайёргарликни Қурбон ҳайити байрамидан сўнг, яъни, 10 июль кунидан бошлайди. Дастлабки ўқув-йиғин машғулотлари Тошкент вилоятининг Дўрмон посёлкасида бўлиб ўтади. Бу ерда футболчиларимиз 10 июлдан 23 июлга қадар шуғулланадилар. Мазкур йиғин давомида футболчиларнинг Чимён дам олиш масканида ҳордиқ чиқаришлари ҳам кўзда тутилган.

“Қўқон-1912” жамоаси иккинчи давранинг дастлабки учрашувини Фарғонанинг “Нефтчи” жамоасига қарши ўтказадилар. Бу учрашув 2 август санасига белгиланган.

Ҳавола :

Манба : "Қўқон-1912" матбуот хизмати

Янгиликларни Телеграмда ўқинг!

Рейтинг: