Айрим оммавий ахборот воситаларида бу ўйинни вақти 8 май кунига ўзгартирилганлиги ҳақида хабарлар тарқалди. Бу хабарлар хеч қандай асосга эга эмас. Мухлисларга шуни маълум қиламизки “Қўқон-1912” – “Бунёдкор” учрашуви, аввал хабар қилганимиздек 9 май куни соат 17-00да бошланади. Учрашув вақти ўзгарган бўлган тақдирда биз бу ҳақда расмий сайтимиз орқали сизларга маьлумот берган бўлар эдик. Бу учрашувга чипталар “Марказий” ўйингоҳ чиптахоналарида сотилмоқда.
8 май куни соат 16-00да эса “Қўқон-1912” ва “Бунёдкор” жамоаларининг ўринбосарлари ўртасидаги баҳс бўлиб ўтади. Биз сизларни “Марказий” стадионига таклиф қиламиз.
