"Қизилқум" карантиндан сўнг кетма-кет тўртта ўйинда ютқазган ягона клуб

Уч ойлик танаффусдан сўнг яна рестарт олган миллий чемпионатимизда ҳозирча тўрт тур учрашувлари ўтказилди. Навоийнинг "Қизилқум" жамоасига карантиндан сўнг ҳеч омад кулиб боқмаяпти. 

Жамоада бош мураббий ўзгарган бўлишига қарамай, "Қизилқум" охирги 4 учрашувнинг барчасида имкониятни бой берди. Бунинг устига навоийликлар бирорта тўп кирита олишмади. "Қизилқум" ўз майдонида АГМК ва "Пахтакор", сафарда эса "Қўқон-1912" ва "Локомотив" билан кечган баҳсларда мағлуб бўлди.

Охирги тўрт ўйинда тўплар нисбати 0-10 кўриниш олди. Бундан кўриниб турибдики, Тачмурад Агамурадов шогирдлари учун ҳеч бир баҳс осон ўтмаяпти. "Локомотив"га қарши баҳсдан сўнг туркманистонлик мураббий август ойида очиладиган ёзги транфсерлар пайтида 7-8 футболчи жамоа билан хайрлашишини айтиб ўтди. Кўрамиз, биринчи даврадан сўнг "Қизилқум"да қандай ўзгаришлар бўлар экан.