UZ

Сўнгги янгиликлар

14:06CAFA NATIONS CUP-2025 мусобақаси бошланмоқда. Эртага ўйинолди матбуот анжуманлари ва расмий машғулотлар бўлиб ўтади  1 13:45Бенту Ўзбекистон терма жамоаси тарихидаги 10-хорижлик мураббий бўлади. Аввалги ҳамкасблари қандай натижа кўрсатган?   15 13:03Бугун ЕЧЛга қуръа ташланади. Олма-отага кимлар келади?  4 12:43Конференциялар лигаси саралаши. Бугун Файзуллаев ва Шомуродов жамоаси жавоб учрашувида майдонга чиқади  4 11:34Эшитдик-да! Тимур Кападзе "Пахтакор" бош мураббийи бўлиши мумкин  56 10:48ПСЖ ва "Ювентус" ўзаро келишувга эришди  0 10:23"Челси" 24 йиллик анаънадан воз кечади  6 09:56Икич Фране: "Жамоамиз бу ўйинда ғалаба қозонишга ҳақли эди"  2 09:27Германия терма жамоасининг сентябрдаги ўйинлар учун чақирилган футболчилари маълум  5 08:54МЮ Брунуни сотишга тайёр. Унга нарх қўйилди  8 08:27"Бухоро" "Бунёдкор"ни мағлуб этиб, тарихда илк бор ярим финалга чиққан учрашувдан ФОТОГАЛЕРЕЯ  9 08:00Жароҳатдан қайтган Месси жамоасини Лига кубоги финалига олиб чиқди  10 07:50Германия Кубоги. "Бавария" меҳмонда 3-лига жамоасини мағлуб этди  1 07:31Аморим кечаги мағлубиятга изоҳ берди  8 02:42Англия кубоги. "Манчестер Юнайтед" 1/32 финалда 4-лига жамоасига мағлуб бўлиб, турнирни тарк этди  13

"Қизил иблислар" бугун "оққушлар"ни "овлашадими"? (АПЛ. Превью) Янгиликлар

"Қизил иблислар" бугун "оққушлар"ни "овлашадими"? (АПЛ. Превью)

Бугун Англия Премьер-лигасида иккинчи тур беллашувларига старт берилади.

Дастлабки турда якунловчи ўйинда майдонга тушган "Манчестер Юнайтед" бу сафар "Суонси"га қарши баҳс билан турни очиб беради. Қуйида ана шу учрашув превьюсини эътиборингизга ҳавола этамиз.

АПЛ, 2-тур
"Суонси" – "Манчестер Юнайтед"

19.08.2017, 16:30
"Либерти стэдиум"
Бош ҳакам:
Жонатан Мосс (Йоркшир)

Пол Клемент бошчилигидаги "Суонси" чемпионатни "Саутгемптон" уйидаги нурсиз дуранг билан бошлади. 3 кун олдин жамоа етакчиси Гулфи Сигурдссон "Эвертон"га ўтиб кетди. Камига, асосий ҳужумчи Фернандо Льорентеда жароҳат бор. Ҳужумдаги бу муаммолар Жордан Айю ва Томми Абрахамлар эвазига ёпилиши мумкин. Лекин, қай даражада ёпилиши номаълум. Айниқса, Сигурдссоннинг ўрнини ҳеч ким боса олмайди "Суонси"да. Жарима ва бурчак зарбаларини қойилмақом бажариш, узоқдан кутилмаган ва хавфли зарбалар, ўйинни бошқариш каби ҳислатлар исландиялик футболчига янги жамоасида ҳам асосий роллардан бирини бажаришда ёрдам бериши шубҳасиз.



Биринчи турда энг ишончли ўйин ва энг йирик ҳисобдаги ғалабани Жозе Моуриньо бошчилигидаги "Манчестер Юнайтед" қўлга киритди. "Қизил иблислар" Ферги амаки кетганидан кейин илк бор мавсумни бунчалик ишонч билан бошлашди. Дастлабки турга бағишланган превьюда жамоа бу йил чемпионлик учун курашадиган кучга эгалигини айтиб ўтган эдик. МЮ барча чизиқларда жуда яхши ўйнади, лекин бу АПЛ ва унда исталган натижа қайд этилиши мумкин. Бугун манчестерликлар фаворит бўлишади, лекин мезбонлардан ҳам сюрприз кутиш мумкин. Ҳозир жамоа таркиби ротациялар қилишга имкон беради. Люк Шоу, Маркос Рохо ва Эшли Янгларда жароҳат бор. Қолганлар соппа-cоғ ва ўйинга тайёр. Биринчи турда Моур жамоанинг ўтган мавсумдаги энг яхши футболчиси бўлган Андер Эррерани захирада қолдирди. Бу Эрреранинг яхши формада эмаслигидан эмас, балки мураббий ўйинчиларни алмаштириб ўйнатишни бошлаб юборди. Эсингизда бўлса, Андер Европа Суперкубогида "Реал"га қарши асосий таркибда тушган эди. Олдинда узоқ ва машаққатли мавсум турганини инобатга олган "Special One" доимий тарзда ротация қилишини тахмин қилиш қийин эмас.



Қизиқ:

- "Суонси" Премьер-илга доирасида "Манчестер Юнайтед"га қарши ўтказилган 12та учрашувнинг бирортасида ҳам нолга ўйнай олмаган;
- "Оққушлар" АПЛда олтита ўйиндан бери ютқазишмаяпти (4 ғалаба, 2 дуранг, 0 мағлубият);
- Бугун Ромелу Лукаку гол урса, МЮ таркибида дастлабки иккита Премьер-лига ўйинида тўп киритган бешинчи футболчига айланади. Бунгача, Златан Ибрагимович, Антони Марсьяль, Федерико Македа ва Луи Саалар мана шундай натижа қайд этишган.



Мураббийлар фикрлари:

Пол Клемент ("Суонси"):
"Бизда ишонч бор, сабаби ўтган мавсум "Манчестер Юнайтед"га қаршилик кўрсата олган эдик. Мухлисларимиз қаршисида яна бир бор тўп тепишни сабрсизлик билан кутаяпмиз".

Жозе Моуриньо ("Манчестер Юнайтед"): "Саутгемптон"дек яхши жамоага қарши сафарда бир очко олиш улар учун ажойиб натижа. Шу сабаб, мен жуда оғир ўйин кутаяпман".


Толибжон Қосимов

Муаллиф : Tolibjon Qosimov
Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика