"Barchaga xayrli kun. Dastlab O'FAga taklif uchun rahmat aytmoqchiman. Menimcha barcha jamoalar uchun Osiyo Kubogi saralashidan oldingi so'nggi tayyorgarlik bo'ladi. Bu yerda ekanimizdan xursandmiz", - dedi Aleksandr Krestinin.
- Qirg'iz Respublikasi terma jamoasi shu paytga qadar O'zbekistonni yuta olmagan. Ertaga imkoniyatlarni qanday baholaysiz?
- Tarixni o'zgartira olmaymiz, ammo biz yangi tarix yaratishga urinamiz. Ertaga ajoyib va qiziqarli o'yin bo'ladi, bunga shubha yo'q.
- Ushbu musobaqadagi jamoalarning imkoniyatlarini haqida nima deya olasiz?
- Biz yangi jamoa qurmoqdamiz, 2019 yilgi Osiyo Kubogida o'ynaganlardan ko'pchiligi hozir termada yo'q. Ammo men yoshlarga ishonaman. Qirg'iz Respublikasining imkoniyati katta.
- O'zbekiston terma jamoasida ko'plab legionerlar bor. Ularga qarshi qanday uslub qo'llamoqchisiz?
- Ha xorijda o'ynayotgan futbolchilar haqida ma'lumotga egamiz. Ammo qaysidir bitta futbolchiga e'tibor qaratmaymiz, biz O'zbekiston milliy terma jamoasiga qarshi o'ynaymiz. Balki ertaga shu futbolchilar o'ynamas, bilmaymizku to'g'rimi.
- Namanganda qanday muxlislar borligini bilaman. Terma jamoa doim ham bu yerda o'ynayvermaydi, tribuna to'la bo'ladi deb o'ylayman. Muxlislar bilan to'la stadionda o'ynash hammaga yoqdi. Ertaga 100 foiz shiddatli o'yin bo'ladi.
- Terma jamoada yo'qotishlar bor. Koronavirus tufayli va jarohat tufayli Namanganga kela olmagan futbolchilar bor. Bu futbolning bir qismi hisoblanadi.
