Қаҳрамон Баҳодиров: "Мураббийимиз кўрсатмасини тўғри бажаришга ҳаракат қилдим"
10 сен 2016 11:49
Янгиликлар

Қаҳрамон Баҳодиров: "Мураббийимиз кўрсатмасини тўғри бажаришга ҳаракат қилдим"

Маълумки, олий лиганинг 21-турида Жиззахнинг “Сўғдиёна ” жамоаси Андижонинг “Андижон” клубини қабул қилди ва беллашувда Жиззахликлар ғалабаси билан якунланди.

Ушбу ўйиндан сўнг “Сўғдиёна ” жамоаси вакили,заҳирадан майдонга тушиб рақиб дарвозасини ишғол қилган ягона гол муаллифи Қаҳрамон Баҳодиров ўз фикрлари билан ўртоқлашди.

- Ўйин қийин кечди. Рақиб жамоа бизга қарши яхши тайёргарлик қилгани маълум эди. Биз ҳам жамоамиз билан муносиб тарзда тайёргарлик қилган эдик. Заҳирадан майдонга тушаётганимда,мураббийимиз Даврон Файзиев ҳужумга диққатимни қаратишимни айтдилар. Биринчи тўп тегиши билан гол бўлганидан хурсандман. Бугунги ғалаба жамоамиз учун жуда муҳим эди ва ушбу ўйинда гол ўришни жуда ҳам хохлаган эдим ва агарда шундай бўлса, бу голни Ўзбекистон Республикаси биринчи президенти Ислом Абдуганиевич Каримовнинг ёрқин хотирасига бағишламоқчи эдим. Чин дилдан қилинган ният амалга ошади дейишади ва шундай бўлди ҳам. Олдимизда катта маъсулият бор эди. Бизни қўллаб-қувватлаб турган мухлисларимизга раҳмат айтмоқчиман. Мухлисларимизнинг хурсандчилигини қўриб биз ҳам хурсанд бўлдик.

Дилдора Холбоева

Ҳавола :

Манба : championat.asia

Янгиликларни Телеграмда ўқинг!

Рейтинг: +5