Про-Лига. Эртага Яйпанда очилиш учрашуви бўлиб ўтади. Ўйиндан олдин эса концерт
11 мар 2022 08:05
Янгиликлар

Про-Лига. Эртага Яйпанда очилиш учрашуви бўлиб ўтади. Ўйиндан олдин эса концерт

Эртага, 12 март, шанба куни Про-лиганинг 2-тур учрашувларига старт берилади.

Шу куни Яйпаннинг “Турон" клуби ўз майдонида Нукуснинг "Арал Самали" жамоасини қабул қилади. Мазкур ўйин билан Яйпан шаҳрида Про-лиганинг янги мавсумига старт берилади.

"Турон" - "Арал Самали" учрашуви олдидан мутассаддилар иштирокида очилиш маросими ташкил этилади. Шу билан бир навбатда шу куни стадионга ташриф буюрган мухлислар таниқли санъаткор Отабек Муҳаммадзоҳид иштирокидаги концерт дастурига ҳам бевосита гувоҳ бўлишлари мумкин.

"Ўзбекистон" стадиони кассаларида ушбу учрашув учун кириш чипталари сотуви давом этмоқда.