Превью. "Сўғдиёна" – "Андижон"

Натижалар мутлақо тенгликни кўрсатмоқда.

“Андижон” 13та ўйинда ғалаба қозонган. “Сўғдиёна” ҳисобида 14та ғалаба бор. Етти ўйин дуранг билан якунланган. “Андижон” 50, “Сўғдиёна” 51та гол урган. Жиззах клуби ўзаро учрашувларда 49, “Андижон” 46та очкони ўз ҳисобига ёзиб қўйишган. Ўзаро ўйинлардаги энг йирик ғалабалар қуйидагича:  “Андижон” - “Сўғдиёна” 4:1,  “Сўғдиёна ” - “Андижон ” 5:0.

Ўтган йил биринчи давранинг 11-турида “Сўғдиёна” водийдан уч очко билан қайтган. Ўша баҳсда Сардор Эминов дублга эришганди. Лочин Солиевнинг учрашув сўнггида урган голи фақат ҳисобни қисқартириш учун хизмат қилганди - 1:2. “Сўғдиёна” майдонидаги учрашувда Сардор Эминовнинг голи ҳал қилувчи бўлганди – 1:0.

“Сўғдиёна” майдонида ўтган сўнгги беш учрашув:
25.10.2014 «Сўғдиёна» - «Андижон» 1:0
01.11.2011 «Сўғдиёна» - «Андижон» 1:1
09.10.2009 «Сўғдиёна» - «Андижон» 0:2
04.10.2008 «Сўғдиёна» - «Андижон» 2:3
15.04.2006 «Сўғдиёна» - «Андижон» 0:1

Ўзаро ўйинлар ҳақида факт: “Сўғдиёна” ўз майдонида “бургутлар”га 3 бор ютқазиб қўйган. Эътиборлиси ушбу учала мағлубият сўнгги йилларда қайд этилган. Беш марта жамоалар дуранг қайд этишган. Жиззах клуби ўз уйида “Андижон”ни 9 марта таслим қилган.

Нарзулла Сайдуллаев тайёрлади