Превью. "Шўртан" - "Бунёдкор"
16 авг 2015 09:30
Янгиликлар

Превью. "Шўртан" - "Бунёдкор"

Ғузорнинг "Шўртан" клуби ўз майдонида "Бунёдкор"ни қабул қилади.

«Шўртан» (Ғузор) – «Бунёдкор» (Тошкент)
16 август 2015. Ғузор. "Ғузор" стадиони. 18:00
Ҳакамлар: Б. Намозов (Тошкент), Т. Галеев (Тошкент), А. Пўлатов (Тошкент), А. Рисқуллаев (Тошкент)
Назоратчи: И. Мустафин (Тошкент).
ЎзПФЛ вакили: Р. Черников.

“Бунёдкор” ва “Шўртан” олий лигада жами 15 бора тўқнаш келишган. Натижалар “Бунёдкор”нинг устунлигини кўрсатмоқда. Тошкентликлар 11та ўйинда ғолиб бўлишган. 3та ўйинда дуранг қайд этилган. Битта учрашувда эса “Шўртан” зафар қучган. Тўплар нисбатида ҳам “Бунёдкор” олдинда – 32:2. Ўзаро ўйинларда “Бунёдкор” 36 очкони, “Шўртан” эса 6 очкони қўлга киритган.

“Бунёдкор”нинг ўзаро ўйинларда қозонган энг йирик ғалабаси – 7:0 га тенг. “Шўртан”да бу кўрсаткич 1:0 бўлиб турибди.

Биринчи давра ўйини қолдирилгани сабабли июль ойида бўлиб ўтди. Унда “қалдирғочлар” Элдор Шомуродов, Достонбек Ҳамдамов ва Шакер Зуаги томонидан киритилган тўплар эвазига йирик ғалабага эришишган – 3:0.

Ғузорда бўлиб ўтган барча учрашувлар:
14.09.2013 «Шўртан» - «Бунёдкор» 0:0
06.11.2012 «Шўртан» - «Бунёдкор» 0:1
01.10.2011 «Шўртан» - «Бунёдкор» 1:0
21.10.2010 «Шўртан» - «Бунёдкор» 0:0
30.04.2009 «Шўртан» - «Бунёдкор» 0:1
14.10.2008 «Шўртан» - «Бунёдкор» 0:1
09.06.2007 «Шўртан» - «Бунёдкор» 0:4

Ўзаро ўйинлар ҳақида факт: Бу жамоалар Ғузорда 7та ўйин ўтказишган. Шу ўйинлардан биттасида “Шўртан” ғолиб чиққан. Икки учрашувда дуранг қайд этилган. Тошкент клуби сафарда бу жамоани тўрт бор мағлуб эта олган. Ғузордаги охирги 2та ўйинда “Шўртан” гол ура олмаган.