Превью. "Олмалиқ" - "Шўртан"

«Олмалиқ» (Олмалиқ) – «Шўртан» (Ғузор)
25 сентябрь 2015. Олмалиқ. ОКМК стадиони. 17:30
Ҳакамлар: В. Цейтлин (Тошкент), Р. Фозилов (Наманган), М. Мажидов (Наманган), А. Шукуруллаев (Тошкент)
Назоратчи: А. Хотамов (Тошкент).
ЎзПФЛ вакили: Г. Ртвеладзе.

“Олмалиқ” ва “Шўртан” олий лигада 13 марта ўзаро ўйнашган. Ҳозирча натижалар тенг. “Шўртан” ҳам, “Олмалиқ” ҳам 4тадан ўйинда ғолиб бўлишган. 5та ўйинда дуранг қайд этилган. Тўплар нисбатида кичик устунлик “Олмалиқ” томонида - 19:18. Ўзаро ўйинларда жамоалар 17тадан очкога эга бўлишган.

“Шўртан”нинг ўзаро ўйинларда қозонган энг йирик ғалабаси – 5:3га тенг. “Олмалиқ”нинг энг йирик ғалабаси эса 3:0.

Биринчи даврада Ғузорда кечган ўйинда 3:3 ҳисоби қайд этилган. Мезбонлар сафида Олим Каримов, Виктор Карпенко ва Сухроб Бердиев тўп киритишган. Меҳмонлардан Шавкат Саломов, Адриан Кашкавал ва Дониёр Исмоилов гол уришганди.

Олмалиқда бўлиб ўтган барча учрашувлар:
21.09.2013 «Олмалиқ» - «Шўртан» 0:0
29.09.2012 «Олмалиқ» - «Шўртан» 2:3
01.07.2011 «Олмалиқ» - «Шўртан» 2:0
01.05.2010 «Олмалиқ» - «Шўртан» 1:0
23.05.2009 «Олмалиқ» - «Шўртан» 3:2
01.03.2008 «Олмалиқ» - «Шўртан» 3:0

Ўзаро ўйинлар ҳақида факт: Олмалиқдаги 6та ўйиннинг 4тасида “Олмалиқ” уч очкони ўзида олиб қолган. Битта баҳсда томонлар бир очкодан бўлишиб олишган.  “Шўртан” ўз тарихида бир бор сафардан ғалаба билан қайтган. Охирги иккита учрашувда “Олмалиқ” ўз уйида бу жамоани енга олмаган.