Превью. "Олмалиқ" - "Бунёдкор"

«Олмалиқ» (Олмалиқ) – «Бунёдкор» (Тошкент)
4 ноябрь 2015. Олмалиқ. ОКМК стадиони. 14:00
Ҳакамлар: И. Танташев (Бухоро), Б. Қодиров (Бухоро), А. Кўлдошев (Бухоро), А. Раҳимов (Андижон)
Назоратчи: Р. Серазетдинов (Тошкент).

Бу икки клуб олий лигада 15 бора тўқнаш келган. Ушбу ўйинлардан 11тасида “қалдирғочлар” ғолиб бўлишган. 2 ўйин дуранг ҳисобида якунланган. “Олмалиқ” шу кунгача “Бунёдкор”ни 2 бор мағлуб этган.

“Бунёдкор” шу кунгача ўзаро ўйинларда “Олмалиқ” дарвозасига 30та гол киритган. “Олмалиқ” эса 14 бора “Бунёдкор” посбонини ранжитган. “Бунёдкор” шу кунгача ўзаро ўйинларда 35 очкони, “Олмалиқ” эса 8 очкони қўлга киритган. “Бунёдкор”нинг олий лигада “Олмалиқ” устидан эришган энг йирик ғалабаси 4:1 ни ташкил қилади. “Олмалиқ” энг йирик муваффақияти эса – 3:1.

Дастлабки даврада “Бунёдкор” уйида ўтган баҳсда мезбонлар зафар қучишган. Элдор Шомуродовнинг урган голи “қалдирғочлар”га 3 очко келтирган – 1:0.

Олмалиқда ўтган сўнгги беш учрашув:
15.08.2014 «Олмалиқ» - «Бунёдкор» 1:2
14.04.2013 «Олмалиқ» - «Бунёдкор» 3:1
13.09.2012 «Олмалиқ» - «Бунёдкор» 2:1
27.09.2011 «Олмалиқ» - «Бунёдкор» 1:3
29.05.2010 «Олмалиқ» - «Бунёдкор» 1:3

Ўзаро ўйинлар ҳақида факт : “Олмалиқ” ўз майдонида бу рақибни икки марта мағлуб этган. Битта учрашувда дуранг қайд этилган. Тўрт бор Олмалиқда дуранг қайд этилган.