Превью. "Насаф" - "Динамо"

«НАСАФ» – «ДИНАМО»
15 март. Қарши. “Марказий” стадиони. 17:30
Ҳакамлар: Р.Эрматов, А.Расулов, Ж.Саидов, Д.Жалимов.
Назоратчи: Б.Галеев.

“Насаф” ҳамда “Динамо” клублари олий лигада шу кунгача 32 бор куч синашишган. Натижалар “аждарлар”нинг устунлигини кўрсатмоқда. 16та ўйинда “Насаф”, 7 ўйинда “Динамо” ғалаба қозонган. 9та учрашувда дуранг натижа қайд этилган. “Аждарлар” ўзаро ўйинларда 42 бор рақиб дарвозасига йўл топа олишган. “Динамо” эса 33 бор гол кирита олган. Қарши клуби 57, Самарқанд клуби эса 30 очкони қўлга киритган. “Насаф”нинг “Динамо” устидан қозонган энг йирик ғалабаси – 3:0. “Динамо”нинг энг йирик ғалабаси эса 4:0.

Ўтган мавсум биринчи даврада Қаршида ташкил этилган учрашувда “аждарлар” 3:2 ҳисобида зафар қучишган. Майдон эгалари сафида Илҳом Шомуродов, Азамат Алланиёзов ва Фаррух Сайфиев тўп киритган, “арслонлар” таркибида Сирожиддин Сайфиев ва Комил Шарофутдинов ўзини кўрсатганди. Жавоб ўйинида ҳам “Насаф” муваффақият қозонган. Мезбонлардан Санъат Шихов, меҳмонлардан Азамат Алланиёзов, Илҳом Шомуродов ва Зоҳид Абдуллаев ўз номларини таблога ёздириб қўйган – 1:3.

Қаршида ўтган сўнгги беш учрашув:
20.06.2013 «Насаф» - «Динамо» 3:2
21.11.2012 «Насаф» - «Динамо» 2:1
30.07.2011 «Насаф» - «Динамо» 0:1
01.06.2010 «Насаф» - «Динамо» 2:1
19.09.2009 «Насаф» - «Динамо» 0:2

Ўзаро ўйинлар ҳақида факт: “Насаф” ўз уйида 11 марта ғолиб бўлган, 3та учрашув дуранг натижаси билан ўз ниҳоясига етган. Икки марта (2009 ва 2011 йил) “Динамо” Қаршидан уч очко билан кетган. Охирги икки йилда “аждарлар” Қаршида ғалаба қозонишган. 

Тахмин: "Динамо" 2009 ва 2011 йилги натижасини такрорлай олмаса керак. "Аждарлар" ўз майдонларида ғолиб чиқишлари мукин.


Нарзулла Сайдуллаев.