Превью. "Бунёдкор" - "Бухоро"

«БУНЁДКОР» – «БУХОРО»
12 март 2015. Тошкент. "Бунёдкор" стадиони. 18:30
Ҳакамлар: Р.Эрматов, А.Расулов, Ж.Саидов, Ж.Жалимов
Назоратчи: А.Попов.

“Бунёдкор” ва “Бухоро” олий лигада 14 бора тўқнаш келишган. Натижалар “қалдирғочлар”нинг мутлоқ устунлигини кўрсатмоқда.

“Бунёдкор” ушбу рақибни 12 марта мағлуб этган. “Бухоро” “қалдирғочлар”га қарши ўйинда икки бор дуранг ўйнаган. “Бунёдкор” ўзаро ўйинларда 37та гол урган, “Бухоро” футболчилари атига 3 марта тошкентликлар дарвозасини ишғол этишган. “Бунёдкор” ўзаро ўйинларда 38 очкога эга бўлган, “Бухоро” ҳисобида 2 очко бор. “Бунёдкор”нинг ўзаро ўйинларда энг йирик ғалабаси 5:0га тенг. “Бухоро” ҳисобида ғалаба умуман йўқлиги ҳақида айтиб ўтдик.

Ўтган мавсум Бухородаги учрашувда дуранг қайд этилган. Виталий Пламаделанинг голига бир дақиқа ўтгач Воҳид Шодиев жавоб берганди – 1:1. Тошкентдаги учрашувда “қалдирғочлар” рақиб дарвозасига жавобсиз 5 бор гол уришган – 5:0. Достонбек Ҳамдамов дублга эришган бўлса, Александр Пишур, Сато Минори ва Забиҳиллов Ўринбоев бир мартадан гол урган.

Тошкентда ўтган барча учрашувлар:
13.09.2014 «Бунёдкор» - «Бухоро» 5:0
05.05.2013 «Бунёдкор» - «Бухоро» 4:0
24.09.2012 «Бунёдкор» - «Бухоро» 1:0
20.06.2011 «Бунёдкор» - «Бухоро» 3:0
10.05.2009 «Бунёдкор» - «Бухоро» 4:0
28.09.2008 «Бунёдкор» - «Бухоро» 2:0
01.10.2007 «Бунёдкор» - «Бухоро» 2:0

Ўзаро ўйинлар ҳақида факт: “Бунёдкор” ўз майдонидаги 7та ўйиннинг барчасида ғолиб бўлган. Эътиборлиси “Бухоро” Тошкентда ушбу жамоа дарвозасига умуман гол ура олмаган.