ПРЕВЬЮ. "Андижон" - "Металлург"

«Андижон» – «Металлург»
17 октябрь. Андижон. “Соғлом Авлод” стадиони. 16:00
Ҳакамлар: В.Коваленко, Б.Норсафаров, Ф.Ҳасанов, Р.Толибжонов.
Назоратчи: Б.Галеев.

“Андижон” ва “Металлург” олий лигада жами 29 бора тўқнаш келган. Кичик устунлик “Металлург” томонида. 12та ўйинда бекободликларнинг қўли баланд келган. 10та ўйинда “бургутлар” ғолиб бўлишган. Яна 7та ўйинда дуранг натижаси қайд этилган. Тўплар нисбатида ҳам кичик устунлик “Металлург” томонида 49:46. “Металлург” ўзаро ўйнларда 43 очкони, “Андижон” эса 37 ўз ҳисобига ёзиб қўйган.

“Металлург”нинг “Андижон” устидан қозонган энг йирик ғалабаси –4:1. Қизиғи андижонликларнинг бу кўрсаткичи ҳам 4:1 бўлиб турибди.

Дастлабки даврада Бекободда ўтган баҳсда томошабинлар 5та голнинг гувоҳи бўлишган.  Шухрат Йўлдошев, Мурод Тошматов ва Шаҳзод Нурматовнинг голларига Мирзакамол Камолов ва Шаҳзод Шайманов жавоб беришганди 3:2.

Андижонда ўтган сўнгги беш учрашув:
21.11.2012 «Андижон» - «Металлург» 3:3
16.04.2011 «Андижон» - «Металлург» 0:1
17.04.2010 «Андижон» - «Металлург» 2:1
16.10.2009 «Андижон» - «Металлург» 2:2
01.03.2008 «Андижон» - «Металлург» 2:0

Ўзаро ўйинлар ҳақида факт: “Андижон” ўз уйида 9 марта муваффақият қозонган. Андижонда тўрт бор дуранг қайд этилган. “Металлург” бу рақиб майдонидан фақат бир бор ғалаба билан қайтган (2011 йил).