Португалия 2019 йилда Миллатлар Лигасининг финал босқичига мезбонлик қилади
18 ноя 2018 07:25
Янгиликлар

Португалия 2019 йилда Миллатлар Лигасининг финал босқичига мезбонлик қилади

Миланда ўтган Италия- Португалия (0:0) учрашувида ҳисоб очилмади.

Натижада Португалия терма жамоаси Миллатлар Лигаси турнирида биринчи бўлиб плей-офф босқичига йўл олди. Регламентга мувофиқ келгуси йили июнь ойида ўтказиладиган турнирнинг финал босқичига ҳам айнан Роналду ватандошлари мезбонлик қилишади.

УЕФА ижроқуми 3 декабрь куни Дублинда ўтказиладиган йиғилишда Португалияни турнир мезбони сифатида расман тасдиқлаши кутилмоқда. Шу куни мусобақанинг финал босқичига ҳам қуръа ташланиши кўзда тутилган.

Миллатлар лигаси мусобақасининг финал босқичи 5-9 июнь кунлари Португалияда бўлиб ўтади. Мезбонлар беллашувлар учун ташкилий қўмитага иккита стадион “Драгау” (Порту) ва “Афонсу Энрикеш” (Гимарайнш) таклиф қилишмоқда.

Ҳавола :

Манба : УЕФА расмий сайти

Янгиликларни Телеграмда ўқинг!

Рейтинг: +7