Пиоли: "Зальцбург"га қарши ўйинда дуранг ҳам кифоя қилади, деб ўйламаслик керак – бу нотўғри менталитет"

Италия жамоаси Чемпионлар Лигаси гуруҳ босқичининг 5-турида 4:0 ҳисобида зафар қучди. Бу ўйиндан кейин "Милан" 7 очко билан "E" гуруҳида 2-ўринда бормоқда.

"Чемпионлар Лигасидаги энг яхши ўйин? Турнирнинг бошланиши бироз қийин бўлди, лекин биз жуда хавфли ўйнадик ва кўплаб вазиятлар яратдик. Лекин биз яна бир қадам ташлашимиз керак ва буни мухлисларимиз олдида қилишга ҳаракат қиламиз.

Хато қилмаслигимиз кераклигини билардик, ҳеч кимни камситмаймиз. Ҳақиқатан ҳам гуруҳдан чиқиш муҳим қадам бўлди, биз ўтган мавсумда буни уддалай олмагандик.

Ҳозир биз фақат "Торино" ҳақида ўйлаяпмиз, чемпионатда яхши дамларни бошдан кечирмоқдамиз, энди эса бизни ўтган йили қийин аҳволга солиб қўйган қийин рақиб кутиб турибди. "Зальцбург"га қарши ўйинда дуранг ҳам кифоя қилади, деб ўйламаслик керак. Бу – нотўғри менталитет", – деди Пиоли.