Пим Вербек - Уммон терма жамоаси бош мураббийи
14 дек 2016 18:45
Янгиликлар

Пим Вербек - Уммон терма жамоаси бош мураббийи

Голландиялик мураббий Пим Вербек эндиликда Уммон терма жамоасида ишлайди.

1956 йилда Роттердамда таваллуд топган мураббий 1981 йилдан буён турли жамоаларда ишлаган. 2002 йилги Жаҳон чемпионатида Гус Хиддинкка ёрдам берган Вербек 2006-2007 йилларда Жанубий Корея, 2007-2010 йилларда Австралия терма жамоасига бош мураббий бўлган.

Унинг охирги иш жойи Марокаш ёшлар терма жамоаси бўлганди. 2014 йил бу жамоадан кетгач голландиялик ишсиз юрганди.

Уммон терма жамоаси 2019 йилги Осиё кубоги саралашида иштирок этади. Саралаш баҳслари 2017 йилнинг 28 март куни старт олади. Вербек айнан шу ўйинлар учун терма жамоага олиб келинди. Саралаш баҳсларига 23 январь куни қуръа ташланади.