UZ

Сўнгги янгиликлар

22:30ОПЛ. "Сабаҳ" ўз уйида ғалабага эришди, Раҳмоналиев захирадан ўйинга қўшилди  0 22:25CAFA U-17 Championship 2025. Ўзбекистон бир киши кам бўлиб Қирғиз Республикасини йирик ҳисобда мағлуб этди  2 22:00"Краснодар" ўз тарихида илк бор Россия чемпиони бўлди  2 22:00Суперлига. "Сўғдиёна" – "Бухоро" (матнли трансляция)  12 21:21Аморим Гарначога янги жамоа қидиришни айтди. Футболчи Европа лигаси финалидан кейин МЮ устозидан норози бўлганди  7 21:10Ла Лига. "Реал" сўнгги ўйинда Мбаппенинг дубли эвазига "Реал Сосьедад"ни мағлуб этди, "қироллик клуби" мавсумни иккинчи ўрин билан якунлади  21 20:59Суперлига. "Нефтчи" ўз майдонида бир киши кам "Шўртан"ни йирик ҳисобда енгди  28 20:38РПЛ. Файзуллаев захирадан тушиб ассист қайд этган ўйинда ЦСКА ғалабага эришди, Ашурматов "Рубин" ғалаба қозонган ўйинда захирадан ўйинга қўшилди, "Акрон" эса...  10 20:34"Истиқлол" — "Санат Нафт". Таркиблар маълум  0 19:01"Ньюкасл" кейинги мавсум учун уй либосини тақдим этди  0 18:38Ҳакамларимиз Қозоғистон – Қирғиз Республикаси аёллар терма жамоалари ўртасидаги учрашувни бошқариб боришади  0 17:39“CAFA U-17 Championship 2025” бошланмоқда  4 16:50АПЛнинг якунланаётган мавсумдаги энг яхши ўйинчиси аниқланди  4 16:21"Футбол олами". Ўзбекистон кубоги 1/8 финал жуфтликлари маълум  1 15:45Ўзбекистон кубоги. 1/8 финал баҳсларининг саналари маълум  6

ПФЛ: 14-тур номаълум муддатга қолдирилди, ЖЧдан кейин ўзгаришлар давом этади, Ўзбекистон кубоги формати ҳам ўзгаради Янгиликлар

ПФЛ: 14-тур номаълум муддатга қолдирилди, ЖЧдан кейин ўзгаришлар давом этади, Ўзбекистон кубоги формати ҳам ўзгаради

Ўзбекистон миллий терма жамоасининг Уругвайга қарши халқаро ўртоқлик ўйини сабаб Суперлига тақвимида навбатдаги ўзгариш юз берди ҳамда 14-тур Жаҳон чемпионати стартидан кейинга қолдирилди.

Бу ҳақда кейинроқ батафсил маълумот берилади.

ЎФА раҳбарияти миллий ва олимпия терма жамоаларининг халқаро майдондаги имиджини тиклаш мақсадида тақвимни уларнинг режасидан келиб чиқиб тузиш таклифини берган. Ўзбекистон миллий термаси Уругвай билан ўйин учун олис масофани босиб ўтади. Шундан келиб чиқиб, делегация 7 июнь кунги беллашув учун 2 июнь тонгида йўлга чиқади.

2-3 июнь кунлари Pepsi Суперлиганинг 14-тур учрашувлари бўлиб ўтиши керак эди. Миллий терманинг кенгайтирилган рўйхатидан дастлаб “Бунёдкор”, “Пахтакор”, “Насаф” ҳамда “Локомотив” клубларидан уч ва ундан ортиқ футболчи жой олганди. Мазкур ҳолат уларнинг чемпионатдаги ўйинларига ўз таъсирини кўрсатиши катта эҳтимол бўлиб турганди.

Шундан келиб чиқиб, ПФЛ 14-турни кейинроққа қолдирди. 15-турда эса икки ўзгариш юз берди. “Насаф” ҳамда “Бунёдкор” клублари иштирокидаги ўйин бир кун кейинга қолдирилди. Қолган учрашувлар ўз ўрнини сақлаб қолди. Вақтлар ва соатлар қуйида кўрсатиб ўтилган.

Суперлига. 15-тур.
10 июнь (якшанба)

“Навбаҳор” - “Қўқон-1912”           19:02
11 июнь (душанба)
“Қизилқум” — “Сўғдиёна”           19:30
12 июнь (сешанба)
“Нефтчи” - “Пахтакор”                  19:03
“Металлург” - “Насаф”                  19:11
“Локомотив” - АГМК                     19:11
 “Бухоро” - “Бунёдкор”                  19:32

Суперлига тақвимида Жаҳон чемпионатидан кейин ҳам ўзгаришлар юз бериши катта эҳтимол. Айни вақтда Ўзбекистон Кубоги форматига яна бир кичик ўзгариш киритиш масаласи кўриб чиқилмоқда. Шунингдек, Осиё ўйинларида иштирок этадиган Ўзбекистон олимпия терма жамоасига шароит яратиш, шунингдек, бу жамоага чақирилган футболчилар сабаб айрим клублар азият чекмаслиги учун ҳам ўзгаришлар юз беради.

Мазкур ўзгаришлар орасида эҳтимолий декабрь санасида ўтиши керак бўлган Ўзбекистон Кубоги финалининг октябрда ўтказилиши масаласи ҳам бор. Боиси ЎФА ҳамда ПФЛ Кубок финалини ўтган йилдагидан кам бўлмаган байрам билан ўтказишни мақсад қилган.

Шунингдек, 2018 йил мавсумидаги бирорта ҳам ўйин декабрга қолмаслиги керак. Яхши биласизки, 2019 йилнинг январь ойида Осиё Кубоги старт олади. Шундан келиб чиқиб, миллий терма жамоа мураббийларига шароит яратиш ҳамда оғир мавсумни ўтказишга мажбур бўлаётган миллий терма футболчиларга декабрда озгина танаффус бериш муҳим фактор ҳисобланади.

ПФЛ бу каби ўзгаришлар учун футбол мухлислари ҳамда клублардан узр сўрайди. Умид қиламизки, улар бизни тўғри тушунади. Айни вақтда футболдаги ҳамма бир ёқадан бош чиқариб, терма жамоаларнинг халқаро майдонлардаги иштироки йўлида бирлашмоқда. 2019 йилги мавсумда ПФЛга на Осиё ўйинлари, на Жаҳон чемпионати ва на Осиё Кубоги ҳалал беради. Демак, тақвим бунда чиройли, ҳамма учун қулай ва ўзгаришларсиз бўлади.

Рейтинг: +50   

Фикрлар

championat.asia
< сўнгги янгиликларни кўриш
Яндекс.Метрика