Ўзини касал қилиб кўрсатиб, "Тоттенхэм" - "Аякс" ўйинига борган футболчи клубсиз қолди
07 май 2019 18:12
Янгиликлар

Ўзини касал қилиб кўрсатиб, "Тоттенхэм" - "Аякс" ўйинига борган футболчи клубсиз қолди

Голландиянинг иккинчи даражали лигасида иштирок этувчи "Телстар" клуби ҳужумчи Йорди ван дер Лан билан шартномани бекор қилди.

25 ёшли футболчи ўзини касал қилиб кўрсатиб, клубдан яширинча "Тоттенхэм" ҳамда "Аякс" ўртасидаги баҳсга боргани учун клубсиз қолди.

"Тўғри, бу ноқулай вазият. Клуб билан мулоқот қилдик ва яхши муносабатда хайрлашишга қарор қилдик. Ўзимни касал қилиб кўрсатдим, чунки мени қўйиб юбормасликларини билардим. Бундан ташқари жамоа ҳеч нарсага даъвогарлик қилмаяпти ва мен кам ўйин амалиётига эга бўляпман. Агар ҳаммаси бошқача бўлганида Лондонга бормас эдим.

Ўйиндан олдин клубга соғ эканлигимни ва Лондондагилигимни маълум қилдим. Улар мени телевизорда кўриб, ҳайрон бўлишмаганига ишонаман" - дейди ван дер Лан.

Ҳавола :

Манба : Ijmuidercourant.nl

Янгиликларни Телеграмда ўқинг!

Рейтинг: +16