"Ўзбекистоннинг ўйини мен учун кутилмаган воқеа бўлмади" — Испания олимпия термаси устози

"Ўзбекистоннинг ўйини мен учун кутилмаган воқеа бўлмади. Асосийси, мақсадимизга эришдик, лекин жуда қийин ўйин бўлди ва энди яхшиланиш вақти келди. Футболчиларга тўлиқ маълумотни аниқ қилиб етказишим керак.

Тўпга тинимсиз эгалик қилишимиз, шу билан бирга, тезроқ ҳаракат қилишимиз керак. 

Танаффусда футболчиларга тўпни майдонда тезроқ ҳаракатлантиришни уқтирдим. Буни устида ишлашимиз лозим. Шуни тўғри йўлга қўя олсак, ғалаба биз томонда бўлади.

Абель, Миранда ва Серхио ҳақида нима дея оламан? Уларда катта тажриба бор, аммо уларга алоҳида ёндашишни хоҳламайман, чунки бу жамоавий ўйин. Улар яхши жамоадош, жамоани олдинга етаклай олишади, шуниси муҳим.

Кубарсининг алмаштирилиши тактика билан боғлиқ. 

Пенальтидан кейинги менталитет? Чемпион бўлиш учун муваффақиятсизлик ва бир қанча хатолар ҳам керак. 

Ҳакамлик ҳақида ҳеч нарса дея олмайман. Мусобақага энг яхши ҳакамлар жалб қилинган. VAR'га келсак, у баъзида сизга қарши қарорлар қабул қилади, баъзида эса сизнинг фойдангизга", – деди Санчес.

Тимур Кападзе кечаги учрашув, Миср билан бўладиган ўйин ҳақида фикр билдирди