Ўзбекистон U-17 Хитойдаги мусобақани мағлубият билан бошлади
12 май 2016 14:33
Янгиликлар

Ўзбекистон U-17 Хитойдаги мусобақани мағлубият билан бошлади

Аҳмаджон Мусаев бошчилигидаги Ўзбекистон U-17 терма жамоаси айни пайтда Хитойдаги халқаро мусобақада қатнашмоқда.

Расмий номи "Jiangyin Zhouzhuang Cup CFA International Youth Football Tournament 2016" бўлган мусобақада Хитой, Эрон, Япония ва Ўзбекистон жамоалари иштирок этмоқда.

Биринчи турда вакилларимиз "Jiang yin Sports centre" стадионида Япония билан ўйнаб 1:3 ҳисобида ютқазиб қўйишди. Хитой эса Эронни мағлуб этди - 2:1.

Иккинчи турда Ўзбекистон Эрон билан тўқнаш келади. Сўнгги турни Мусаев шогирдлари Хитойга қарши ўтказишади.