O'zbekiston Professional Ligasi Samarqandda o'tadigan O'zbekiston Kubogi yarim final javob uchrashuvi Dinamo - Bunyodkor o'yini sanasini 6 oktyabr kuni deb e'lon qildi. Ushbu FIFA kunlarida terma jamoamiz o'yini yo'qligi bois, kubok uchrashuvi o'tkaziladi.
Eslatib o'tamiz, Toshkentda o'tgan dastlabki uchrashuvda Dinamo safarda Bunyodkor bilan 0:0 hisobidagi durang natijani qayd etgan edi. Ushbu juftlik g'olibi finalda Lokomtiv/Nasaf o'yini g'olibiga qarshi maydonga tushadi. Final o'yini neytral maydonda bo'lib, 2 dekabr sanasida o'tkazilishi e'lon qilingan.
O'zbekiston Kubogi. Yarim final.
Javob uchrashuvi.
6 oktyabr (juma)
Dinamo – Bunyodkor
Dinamo stadioni, Samarqand shahri.
Dastlabki uchrashuv: 0:0.
