Отабек Ғуломхўжаев: "Андижон"ни Суперлигада олиб қолсак бу кубок баҳсларига қўшимча мотивация бўлади"
15 ноя 2020 18:35
Янгиликлар

Отабек Ғуломхўжаев: "Андижон"ни Суперлигада олиб қолсак бу кубок баҳсларига қўшимча мотивация бўлади"

Хабарингиз бор, кеча жорий йилги Ўзбекистон кубоги баҳсларига қуръа ташланди. Қуръага кўра "Андижон" "Насаф" билан кейинги босқич йўлланмаси учун кураш олиб борадиган бўлди.

Биз бу борада "Андижон" бош мураббийи Отабек Ғуломхўжаевнинг фикрлари билан қизиқдик.

"Кубок баҳсларининг қандай ўтиши ҳаммаси аввалдан келишилган эди. Бунга ортиқча тўхталишнинг ҳожати йўқ. Боз устига вақт кам, пандемия сабаб кўп фурсат қўлдан бой берилди. Мавсумни тугатиб олиш керак. Жамоани тиклаб олишимиз муҳим. Футболчиларнинг жисмоний ҳолати қониқтирмаяпти. Қуръа ноқулай келди демаган бўлардим. "Насаф" ҳам яхши жамоа. Рўзиқул Бердиевни ҳурмат қиламан. Лекин, олдиндан бирор аниқ фикр билдира олмайман. Олдимизда турган вазифа "Андижон"ни Суперлигада олиб қолиш. Шундай экан ҳозирда "Машъал" билан ўйинга эътибор қаратмоқдамиз. Бу билан бизга кубок керак эмас демайман. Жамоани кучлилар сафида олиб қолсак кубок баҳсларида бизга қўшимча мотивация бўлади",- дейди Отабек Ғуломхўжаев.

Ҳавола :

Манба : championat.asia

Янгиликларни Телеграмда ўқинг!

Рейтинг: +1