Ўсмирлар ва ёшлар ўртасидаги ОЧнинг мезбон мамлакатлари номи маълум бўлди
26 июл 2017 10:26
Янгиликлар

Ўсмирлар ва ёшлар ўртасидаги ОЧнинг мезбон мамлакатлари номи маълум бўлди

Теглар : Осиё чемпионати U-16 Осиё чемпионати U-19

2018 йили ўсмирлар (U-16) ва ёшлар (U-19) ўртасида бўлиб ўтадиган Осиё чемпионати финал босқичига мезбонлик қиладиган мамлакатлар номи маълум бўлди.

2018 йилнинг 20 сентябридан 7 октябрига қадар ўтказиладиган ўсмирлар (U-16) ўртасидаги Осиё чемпионатига Малайзия мезбонлик қиладиган бўлди.

Ёшлар (U-19) ўртасидаги Осиё чемпионатлари ўйинлари эса 2018 йилнинг 18 октябрь – 4 ноябрь кунлари Индонезияда бўлиб ўтади.

Маълумот учун, U-16 Осиё чемпионатига саралаш босқичи учрашувлари шу йилнинг 16–24 сентябрь кунлари ўтказилади. Дилшод Нуралиев бош мураббийлигидаги Ўзбекистон ўсмирлар термаси саралаш босқичининг “А” гуруҳидан жой олди ва ОЧ финал йўлланмаси учун гуруҳ мезбони Саудия Арабистони ҳамда Баҳрайн, Иордания ва Шри-Ланкага қарши баҳс олиб боради.

Александр Мочинов бошчилигидаги Ўзбекистон ёшлар терма жамоаси эса U-19 ОЧга саралаш босқичининг “B” гуруҳидан ўрин олган. Гуруҳда, шунингдек, мезбон Тожикистон, Бангладеш, Мальдив ороллари ва Шри-Ланка жой олган. Мазкур саралаш ўйинлари шу йилнинг 31 октябрь – 8 ноябрь кунлари бўлиб ўтади.