UZ

Сўнгги янгиликлар

12:19Тадич ҳам Саудия Арабистонига кўчиб ўтадими? Унда "Ал Қодисия"дан таклиф бор  0 11:55Ўзбекистон футзал терма жамоаси Тошкентда йиғин бошламоқда — Даврон Чориев сафга қайтди   0 11:34МЮ ҳимоячиси "Вест Хэм"га ўтишга яқин турибди  1 11:09Доминикан Республикаси ОТЖ сардори Ўзбекистонга қарши ўйинни ўтказиб юборади  11 10:44Даврон Ҳошимов иккинчи даврани Суперлигада ўтказади  7 10:10«Сурхон» ўтган йилги легионерини ортга қайтарди  5 09:37«Барселона» «отмен»! Нико Уильямс келажаги борасида бир қарорга келди  5 09:05«Бухоро» «Андижон» футболчиси билан шартнома тузди  2 08:32Ўзбекистон ўсмирлар терма жамоаси Япония билан жанговар дуранг ўйнади  5 07:58Испанлар Европани «забт этишди». «Қизил фурия» икки кун ичида иккита «Евро»да ғалаба қозонишди  8 07:26Ўртоқлик учрашуви. «Қўқон-1912» «Сўғдиёна»ни мағлуб этди   1 01:48"Ал Шабаб" "Милан" футболчисини 14 млн евро эвазига харид қилишга тайёр, аммо...  3 01:21"Милан" сардори "Галатасарой"ни рад этди. Турк клуби ҳимоячига "Милан"дагидан кўпроқ маош таклиф қилганди  1 00:51"Комо" Рафаэль Вараннинг трансферини эълон қилди  3 00:22"Жирона" "Тоттенхэм" форвардини ижарага олиш бўйича келишувга эришди  1

Осиё ўйинлари. ПРЕВЬЮ. Ўзбекистон - Афғонистон Янгиликлар

Осиё ўйинлари. ПРЕВЬЮ. Ўзбекистон - Афғонистон

Осиё ўйинларидаги иштирокини давом эттираётган Ўзбекистон терма жамоаси бугун гуруҳдаги учинчи ўйинини ўтказади.
Футболчиларимиз бугун Тошкент вақти билан соат 13:00да Афғонистонга қарши майдонга тушишади. Айни пайтда ваккилларимиз 4 очко жамғарган ҳолда гуруҳда биринчи ўринда боришмоқда. Афғонистон ҳисобида эса ҳозирча очко йўқ ва улар охирги ўринни эгаллаб туришибди.

Биздан кейинги ўринда келаётган Гонконг ҳисобида ҳам тўрт очко борлигини инобатга олсак, бугунги баҳсда бизга фақат ғалаба керак бўлади. Чунки А гуруҳида кутилганидек Жанубий Корея биринчи бўлди, шундай экан, кейинги босқичда мезбонларга эмас, балки Саудия Арабистонига рўбарў келганимиз маъқул.



Бугунги ўйинда футболчиларимизнинг ғалаба қозонишига кўпчилик ишонмоқда. Негаки биз Афғонистондан анча баланддамиз ва буни йигитлар ўз ўйинлари билан исботлай олишади. Лекин шу нарсани унутмаслик лозим, Афғонистон аввалги икки учрашувда имкониятни бой бергани билан яхши ўйин кўрсатди. Муҳими, улар ҳам футбол ўйнай олишларини намойиш этишди.

Афғонистон устидан Бангладеш ҳам, Гонконг ҳам битта тўп фарқи билан ғалаба қозонди. Бу эса рақибнинг оддий эмаслигини кўрсатмоқда. Футболчиларимиз дастлаб Гонконг билан дуранг қайд этишди, кейин эса Бангладеш дарвозасига жавобсиз учта тўп киритишди. Шу тариқа Миржалол Қосимов шогирдлари очколар сонини тўрттага етказиб олишди.



Бугунги рақиб ҳақида нима дейишимиз мумкин? Афғонистонда футбол энди-энди ривожланмоқда. Уларда миллий чемпионат йўлга қўйилган ва Рошан Афғон Премьер-лигаси деб номланади. Мамлакат биринчилигида саккизта жамоа икки гуруҳга бўлинган ҳолда ўзаро кураш олиб боради. Миллий чемпионат ўйинлари ва воқеаларини ёритиб борувчи сайт (www.afghanpremierleague.com) жуда яхши ишлайди. Ўйинлар натижаси фотосуратлар ҳамда ўйинда киритилган голлар видеоси билан биргаликда бериб борилади. Айтиш лозимки, уларда матбуотнинг ишлаши биздаги баъзи сайтлардан минг чандон зўр. Бундан ташқари, уларда деярли барча клубларни hummel спорт фирмаси либослар (экипировка) билан таъминлайди.  



Афғонистон терма жамоаси таркибида легионерлар ҳам бор. Масалан, 28 ёшли дарвозабон Мансур Фақиряр Германиянинг Олденбург клубида ўйнайди. 23 ёшли ҳимоячи Аббосин Алихил ҳам Германияда тўп тепади. Унинг клуби - Айнтрахт Франкфурт-2. Шунингдек, икки нафар футболчиси Ҳиндистонда фаолият олиб бормоқда. Яна бир ҳимоячиси Норвегияда, бошқаси эса Таиландда ўйнаяпти. Албатта, афғонлар бошқа чемпионатларнинг асосан қуйи лигаларида фаолият олиб боришмоқда, лекин шу кўрсаткич ҳам бир кун келиб мамлакатда футболнинг ривожига ўз ҳиссасини қўшса ажаб эмас.



Афғонистон терма жамоаси бош мураббийи Муҳаммад Юсеф Каргар. Интернетдаги маълумотларга кўра, Муҳаммад Юсеф болалигидан чанғи спорт турига қизиққан ва ҳатто 16 ёшида мамлакат чемпиони бўлган. Лекин кейинчалик мамлакатда юзага келган нотинч вазият туфайли чанғи учишдан воз кечади ва ўзини футболда синаб кўради. Футболни тугатганидан бери шу соҳада мураббийлик қилиб келмоқда.

Афғонистон термаси ва футболи ҳақида ҳозирча билганларимиз шу. Ўйлаймизки, бизнинг йигитлар бугунги ўйинга шай ва навбатдаги ғалабани қўлга киритиб, гуруҳда биринчи бўлишни эплай олишади. Гарчи учрашув Спорт телеканали орқали тўғридан тўғри эфирга узатилмаса-да, сайтимиздан узоқлашманг ва ўйин тафсилотларини CHAMPIONAT.ASIAда кузатиб боринг.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика