Осиё Кубоги. Кларенс Зеедорф Австралияга келади

Шу ҳафта ичида УЕФА элчилари - Кларенс Зеедорф билан Кристиан Карамбё "Яшил қитъа"га ташриф буюришади. Ташрифдан кўзланган мақсад, "One Goal" лойиҳасида иштирок этишдир. Бу лойиҳа ОФК томонидан турли мамлакатларда болалар футболини кучайтириш мақсадида ташкил қилинган.

"Бу менинг Австралияга биринчи сафарим бўлади, - дейди Зеедорф. - Осиё Кубогига таклиф этишганидан мамнунман. Болалар футболига ҳар доим эътибор беришимиз керак. Мен "One Goal" лойиҳасининг бир бўлаги бўлишдан хурсандман". Эслатиб ўтамиз, бу лойиҳа ҳозирча Австралия, Непал, Вьетнам, Мўғулистон, Ҳиндистон каби давлатларда ўтказиб келинмоқда.